कोरोना अपडेट

मेडिकल आपूर्ति संघले नै भन्यो- प्रतिष्पर्धा होइन, मिलेमतोमा गरियो मेडिकल सामाग्री खरिद'गुणस्तरलाई वेवास्ता गर्दा स्पेनको नियति भोग्न नपरोस्'

नेपाल लाइभ आइतबार, चैत १६, २०७६ १९:०५

काठमाडौं - स्वास्थ्य सम्बन्धी सामाग्री आयात गर्ने व्यवसायीहरुको संगठनले निश्चित व्यवसायीसँग मात्र प्रचलित बजार मूल्य भन्दा अधिक मुल्यमा स्वास्थ्य मन्त्रालयले चीनबाट सामान किनेको दावी गरेको छ।

रसायन तथा मेडिकल आपूर्ती संघले विज्ञप्ती निकालेर कोरोना संक्रमणपछि स्वास्थ्य सम्बन्धी सामान खरिद गर्न शुरु गरेके टेन्डर प्रक्रियाबारे समेत स्वास्थ्यका अधिकारीले झुठो बोलेको दाबी गरेको हो।

आइतबार स्वास्थ्य सेवा विभागका महानिर्देशक महेन्द्र श्रेष्ठलेले प्रारम्भमा टेन्डर आव्हान गरेको तर टेन्डर नपरेपछि व्यवसायीहरुसँग छलफल गरेर सहमती गरेके दावी गरेका थिए। नियमित पत्रकार सम्मेलनमा विभागका महानिर्देशक श्रेष्ठले भने, 'टेन्डर गरियो। कसैले ल्याउन सक्ने अवस्था भएन। सवै सप्लाएर बोलायौं । कसले कति दिन सक्छ । ५-६ जनाले सामान छ भन्नुभयो। तीनघन्टाको समय दियौं । दुईजनाको मात्रै टेन्डर आयो।'

यो पनि पढ्नुहोस्

चीनबाट ल्याएको सामानबारे मन्त्रालयको दाबी : 'ग्लोबल सर्टेज'ले केही महंगो भोआइतबार, चैत १६, २०७६

संघले मन्त्रालयको यो दावी झुठो भएको उल्लेख गर्दै २०७६ माघ २५ को मा स्वास्थ्य सेवा विभागबाट माग भए बमोजिम १९ जना व्यवसायीहरुले आवश्यक सामाग्रीको सिल्ड कोटेशन बुझाएको उल्लेख गरेको छ।

त्यसपछि व्यवस्थापन महाशाखा स्वास्थ्य सेवा विभागबाट संघको रोहवरमा पटक-पटक छलफल भई आवश्यकता र आपूर्ती समय अनुसार खरिद आदेश जारी गर्ने निर्णय भएकोमा अहिलेसम्म सो कार्यान्वयन नभएको विज्ञप्तीमा उल्लेख छ।

'महाशाखाट आवश्यक स्वास्थ्य सामाग्रीको कोटेशन इमेलबाट पठाउन आग्रह गरेअनुसार विभिन्न व्यवसायीले कोटेशन पठाएको र सो विषयमा प्रमाणहरु संघसँग रहेको दावी गरिएको छ।

यो पनि पढ्नुहोस्

कोरोनाको कहरमा पनि कमिसन चक्करशनिबार, चैत १५, २०७६

संघका अनुसार स्वास्थ्य सेवा विभागले खरिद प्रक्रियामा संलग्न व्यवसायीहरुलाई पुन: कोटेशन सहित स्वास्थ्य मन्त्रालयमा बोलाएर सम्झौताका लागि पुन: बोलाउने आश्वासनको बेवास्ता गरी निश्चित व्यवसायीसँग मात्र प्रचलित बजार मूल्य भन्दा अधिक दररेटमा आधिकारिक स्रोत नखुलेका र गुणस्तरको बेवास्ता गरी खरिद गरिएका सामानको नतिजा के हुने भन्दै प्रश्न गरेको छ।

संघका अध्यक्ष सुरेश घिमिरेले जारी गरेको विज्ञप्तीमा पिसिआर किट बनाउने आधा दर्जन बढी कम्पनिले युएएफडिए सर्टिफिकेशन पाइसकेको अवस्थामा गुणस्तरको बेवास्ता गरी खरिद गरिएको सामान तथा र्‍यापिड किटहरुबाट स्पेनको जस्तो नियत भोग्न नपरोस् भनेको छ।

यो पनि पढ्नुहोस्

कोरोना नियन्त्रणका सामान खरिदबारे स्वास्थ्य मन्त्रालयको विज्ञप्ति नै अस्पष्ट, सहमतिका आधारमा सामान किन्न लागेको स्वीकारशनिबार, चैत १५, २०७६

स्पेनले हालै चीनबाट खरिद गरेको एक लाख कोरोना परिक्षण किट गुणस्तर अनुसार नभएको भन्दै फिर्ता पठाएको थियो। संघको बिज्ञप्तिले कोरोनाको संक्रमण नियन्त्रणका लागि नेपाल सरकारले चीनबाट खरिद गरेको सामानको खरिद प्रक्रिया थप शंका उत्पन्न गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्रधानमन्‍त्री ओलीका बुवा अस्पताल भर्ना, फोक्सोमा समस्या

धरहरा चढ्न विद्यार्थी, ज्येष्ठ नागरिक र अपांगता भएका व्यक्तिलाई ५० प्रतिशत छुट

मानव बेचबिखन गर्न लागेको आरोपमा एक जना पक्राउ