कोरोना अपडेट

कोरोना नियन्त्रणका सामान खरिदबारे स्वास्थ्य मन्त्रालयको विज्ञप्ति नै अस्पष्ट, सहमतिका आधारमा सामान किन्न लागेको स्वीकार

नेपाल लाइभ शनिबार, चैत १५, २०७६ २१:०३

काठमाडौं- कोरोना परीक्षण तथा उपचारका लागि आवश्यक सामाग्री खरिदका लागि स्वास्थ्य विभागबाट गरेको टेण्डर आह्वानअनुसार टेण्डर नपरेपछि उत्पादक र वितरकहरुसँग सार्वजनिक संवाद गरेर सामान ल्याउन भएको सम्झौताअनुसार चीनमा सामान लिन नेपाल एयरलाइन्सको विमान चीन गएको स्वास्थ्य तथा जनसंख्या मन्त्रालयले स्वीकार गरेको छ।

चीन गएको नेपाल एयरलाइन्सको विमान सरकारी सामान लिन नभई व्यापारीको सामान लिन गएको सार्वजनिक भएपछि मन्त्रालयका प्रवक्ता डा विकास देवकोटाले विज्ञप्ति निकालेर टेण्डर प्रक्रियाबाट नभई सहमतीको आधारमा भएको सम्झौताअनुसार सामान लिन गएको स्वीकार गरेका हुन्।

उनले को-को वितरक के-के सामान लिन गएका हुन्‚ सो भने विज्ञप्तिमा खुलाएका छैनन्। विज्ञप्तिअनुसार सो विमानले व्यापारीका कोरोना पहिचान र परीक्षण गर्ने, उपचार गर्न मेडिसिन, प्रयोगशालाका सामाग्री र पर्सनल प्रोटेक्सन इक्विप्मेन्ट ल्याउनेछ।

यो पनि पढ्नुहोस्

कोरोनाको कहरमा पनि कमिसन चक्कर शनिबार, चैत १५, २०७६

विज्ञप्तिमा सामूहिक रुपमा सार्वजनिक रुपमा पुनः उत्पादक र वितरकहरुसँग छिटो छरितो रुपमा सामान ल्याउन सहमति गरेको, प्रचलित कानुनको अधीनमा रहेर छिटो छरितो र प्रतिष्पर्धी विधीबाट सामान खरिद गरेको दाबी गरेका छन्। संवाद मार्फत सहमति गरेको उल्लेख गरिएको विज्ञप्तिमा प्रतिष्पर्धि विधीसमेत उल्लेख गरिएको छ। सो प्रतिष्पर्धी विधी के हो खुलेको छैन। सामान खरिदको सम्झौताबारे निकालिएको विज्ञप्ति नै अस्पष्ट देखिन्छ।

सामान खरिद प्रक्रियामा अपनाएको अपारदर्शी सरकारी विधीमाथि प्रश्न उठ्दा मन्त्रालयले यसलाई कोरोना रोकथाममा खटिएका चिकित्सक, स्वास्थ्यकर्मी र संलग्न कर्मचारीको मनोबल खस्कने हाँस्यापद तर्क समेत गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आवश्यकताका आधारमा संविधान संशोधन गर्न सकिन्छ : अध्यक्ष दाहाल

अटो रिक्सा दुर्घटना : एक जनाको मृत्यु, दुई घाइते

एमाले सचिवालय बैठककाे निर्णय : भिम रावल साधारण सदस्यसमेत खारेज, विन्दा र उषाकिरणलाई ६ महिना निलम्बन