इटालीको मिलानको एक सडकमा खटिएका एक सुरक्षाकर्मीद्वारा सरकारको ‘स्टे एट् होम’ नीतिलाई कार्यान्वयन गराउँदै
काठमाडौं- कोरोना भाइरसका कारण विश्वभर मृत्यु हुनेको संख्या १५ हजार ३ सय ८ पुगेको छ। सबैभन्दा बढी इटलीमा ५ हजार ४ सय ७६ जनाको मृत्यु भएको जोन होप्किन्स विश्वविद्यालयको तथ्यांकमा उल्लेख छ।
इटालीपछि चीनमा सबैभन्दा धेरै बिरामीको मृत्यु भएको छ। चीनमा ३ हजार १ सय ५३ जनाको मृत्यु भएको छ। बढी मानिसको मृत्यु हुने देशको सूचीमा चीनपछि स्पेन छ। स्पेनमा २ हजार १ सय ८२ जनाको मृत्यु भएको छ। स्पेनपछि उक्त सुचीमा इरान छ। इरानमा १ हजार ८ सय १२ जनाको मृत्यु भएको छ।
संक्रमितको संख्या बढी भएका १० देश
हालसम्म कोरोना भाइरसको संक्रमित बिरामीको संख्या ३ लाख ५० हजार ५ सय ३६ पुगेको छ। चीनमा सबैभन्दा बढी ८१ हजार ४ सय ९६ जनामा संक्रमण देखिएको छ भने इटालीले चीनलाई पछ्याएको छ। इटालीमा ५९ हजार १ सय ३८ जनामा संक्रमण देखिएको छ। तेस्रो नम्बरमा अमेरिका रहेको छ। अमेरिकामा ३५ हजार २ सय २४ जनामा संक्रमण देखिएको छ। चौथो नम्बरमा स्पेन रहेको छ।
स्पेनमा ३३ हजार ८९ जनामा संक्रमण पाइएको छ। पाँचौं नम्बरमा जर्मनीलाई इरानले पछ्याएको छ। जर्मनीमा २६ हजारमा २ सय २० र इरानमा २३ हजार ४९ संक्रमित रहेका छन्। सातौं स्थानको फ्रान्सलाई दक्षिण कोरियाले पछ्याएको छ। फ्रान्समा १६ हजार २ सय ५७ संक्रमित रहेका छन्। दक्षिण कोरियामा ८ हजार ९ सय ६१ संक्रमित छन्।
संक्रमितको संख्या बढी हुने देशका सूचीको नवौं नम्बरमा स्वीजरल्यान्ड छ। स्वीजरल्यान्डमा ८ हजार २ सय ३४ जना बिरामी छन्। दशौं नम्बरमा बेलायत रहेको छ। बेलायतमा ५ हजार ७ सय ४८ जना कोरोना संक्रमित भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1751526495.png)
-1749826086.png)
