काठमाडौं– जताततै विश्वभर महामारीको रुपमा फैलिएको कोभिड १९ सम्बन्धी चर्चा भइरहेका छन्। कतिले अफवाह फैलाइरहेका छन् भने कतिले आधिकारिक सूचना मात्रै हेर्न अपिल गरिरहेका छन्। नेपाली कलाकारहरु सुटिङ र रेकर्डिङ छाडेर सेल्फ क्वारेन्टाइनमा बसिरहेका छन्। उनीहरुले सामाजिक सञ्जाल मार्फत् सचेत रहन नागरिकलाई आग्रह गरिरहेका छन्। उनीहरुले नियमित हात धुन, मास्कको प्रयोग गर्न र जरुरी काम परेमात्रै घरबाट बाहिर निस्कन अनुरोध गरेका छन्।
अभिनेत्री वर्षा शिवाकोटीले शनिबार राति सात बजेर ४५ मिनेट जाँदा एक मिनेट तीन सेकेन्डको छोटो भिडियो आफ्नो फेसबुक पेजमा अपलोड गरिन्। उनले आजबाट आफू पनि सेल्फ क्वारेनटाइनमा बस्ने र अरुलाई पनि काम परे मात्रै काम गर्न आग्रह गरिन् । भिडियो मार्फत् उनले भनेकी छिन्, ‘संसार अहिले दुःखमा छ । विश्वभरि फैलिएको कोरोना भाइरस (कोभिड १९)को सङ्क्रमण फैलिएको छ। नेपाल सरकारको तथ्याङ्क अनुसार हाम्रो देशमा कुनै पनि सङ्क्रमित भेटिएका छैनन् । तथापी हामी सुरक्षित छैनौं। लामो यात्रा नगरौं। स्वच्छ खाना खाउँ, हात धुने गरौं, स्यानिटाइजरको प्रयोग गरौं, भमित र त्रसित भने नहोऔं।’
आफू बच्नु भनेको देश पनि बचाउनु भएका बताउँदै उनले नेपाललाई वान अफ द सेफेस्ट प्लेस भनेर चिनाउन आग्रह गरिन्। उनले भाइरसका कारण ज्यान गुमाउने प्रति श्रदाञ्जली दिएकी छिन्।
अभिनेत्री रेखा थापाले एक मिनेट ३१ सेकेण्डको भिडियो आफ्नो फेसबुक पेजमा अप्लोड गरिन् । उनले भिडियोमा कोरोना भाइरसबाट बच्न सबैले सावधानी अपनाउनु पर्ने जसकालागि नियमीत रुपमा हात धुने, स्यानीटाइजरको प्रयोग गर्र्ने, खोक्दा हाछ्यु गर्दा रुमाल टिस्युले अथवा हातले मुख छोपौं। हात नधोइकन नाकमुख नछोउँ। साथीहरु भेट्दा नमस्ते गरौँ । व्यतिगत स्वास्थ्यमा ध्यान दिउँ। अतिआवश्यक काम परे मात्रै घरबाट बाहिर निस्कने गरौँ।’
त्यस्तै नायक राजेश हमालले १४ मिनेटको भिडियो सामाजीक सञ्जाल फेसबुक मार्फत शनिबार अपलोड गरेका छन् । यो अबस्थाबाट पार पाइसकेपछि पनि साथीभाई भेट्दा नमस्कार नै गर्न अनुरोध पनि गरेका छन्।
‘मेरो अनुरोध र धारणा’ शिर्षकमा भिडियो अपलोड गरेका अभिनेता राजेश हमालले विश्वयुद्धमा पनि यति धेरै देश प्रभावित नभएको बताएका छन्। उनले भनेका छन्, ‘यो भाइरस सँग जुध्न सर्तकता अपनाउने हो । भाइरसहरुको उपचार छैन । मैले आफ्नो दैनीकीमा पनि परिर्वतन ल्याएको छु । प्रायजसो घर बाहिर गएको छैन । कार्यक्रममा पनि त्यति गएको छैन । भेला हुने कार्यक्रमहरु रद्ध गरेको छु । सबैले यसै गर्न हुन अनुरोध छ । साथीहरु भेटघाट हुँदा छुने, अंकमाल नगर्नु होला । सरसफाइमा पनि ध्यान दिनु होला । हात धुन विशेष ध्यान दिनुहोला।’
हमालले घर कार्यलय सफा राख्न अनुरोध गर्दै अति अल्पविकसित देशमा मात्रै यो भाइरस फैलिएको भए यति धेरै चर्चा नपाउने पनि बताएका छन् । उनले भनेका छन्, ‘गरिब राष्ट्रमा मात्र भएको भए यत्रो चर्चा हुँदैनथ्यो होला । विकसित देशमा फैलिएको कारण धेरै चर्चा भएको छ । विकिसित देशहरुले यहि पाठ सिक्नुपर्ने बेला आएको छ।’
हमालले नेपाल पनि समृद्धिको यात्रामा रहेको बताउँदै थप समृद्धिका लागि स्वास्थ्यलाई प्राथमिकता दिनुपर्ने बताएका छन्। स्वास्थ्यको प्रतिकुल समृद्धिसँग जोडिने उनको धारणा छ।
अभिनेत्र िकेकी अधिकारीले शुक्रवार नै सामाजिक सञ्जाल फेसबुक मार्फत् ७ मिनेटको भिडियो सार्वजनीक गर्दै उच्च जाखिममा नेपाल पनि रहेको र सजग रहन आग्रह गरिन् । उनले कोभीड १९ को लक्षण डाक्टरहरुलाई सोध्न र आफूलाई परेको समस्या सेयर गर्न अनुरोध गरेकी छन्। ‘सकेसम्म घरमै बसौँ।
आफूले आफूलाई केयर गरौँ, उनले भिडियो मार्फत भनेकी छन् । स्वास्थ्य नै धन हो । आफू पनि सचेत रहौँ अरुलाई पनि सचेत बनाउँ,’ उनले भनेकी छिन्।
यसैगरी लोकप्रिय गायक राजेशपायल राईले पनि भिडियो सन्देश दिएका छन्। उनले सवैलाई सुरक्षित रहन आग्रह गरेका छन्। अभिनेत्री नम्रता श्रेष्ठले इन्फ्लुएन्जाको सुइ लगाएकी छिन्। कोरोनाका लागि प्रभावकारी नहुने भएपनि स्वास्थ्यमा सचेत रहन त्यस्तो गरेको बताएकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1724654184.jpg)
-1768280785.png)
-1764146706.png)
