काठमाडौं– उद्योग, वाणिज्य तथा आपूर्तिमन्त्री लेखराज भट्टले खाद्यान्नलगायतका अत्यावाश्यक वस्तु पर्याप्त मात्रामा रहेको दाबी गरेका छन्। आइतबार काठमाडौंमा भएको साक्षात्कार कार्यक्रममा बोल्दै उनले आपूर्ति व्यवस्थापनका लागि सरकारले पूरै योजनाबद्ध ढंगले काम गरिरहेको बताए।
सरकारले तत्कालका लागि र गम्भीर अवस्था गरी २ चरणकै लागि आपूर्ति व्यवस्थापन रणनीति बनाइसकेको उनले जानकारी दिए। बजारमा खाद्यान्नलगायत अत्यावश्यक वस्तुको अभाव हुन्छ भनेर उपभोक्ताले संचिति गर्न थालेकाले केही समस्या देखिएको दाबी गर्दै उनले चारदेखि ६ वटासम्म सिलिण्डर राख्ने, दुई–चार बोरा चामल राख्ने गरेकाले बजारमा सामान अभाव झै देखिएको बताए।
कतिपय व्यापारीले पनि मौकाको फाईदा उठाउन कालोबजारी गर्न सक्ने बताउँदै उनले त्यसलाइ रोक्न मन्त्रालयको टिम परिचालन गरेको र कर्मचारीलाई बिदा नदिई फिल्डमा खटाएको दाबी गरे।
खाद्यान्नलगायतका अत्यावश्यक सामग्री अभाव हुन नदिन आफ्नो नेतृत्वमा समिति गठन भएको र समितिमा तीनवटै सुरक्षा निकाय, स्वास्थ्य मन्त्रालय, उद्योग वाणिज्य महासंघ, चेम्बर अफ कमर्स, सिएआई, उपभोक्ता हित संरक्षण मञ्चका प्रतिनिधि रहेकव् उनले बताए।
उनले अहिले नेपालमा खेतीबारीमा लगाएका उत्पादन भित्रिने समय रहेको र सरकारसँग पर्याप्त स्टकसमेत रहेको बताए।
‘हामीसँग पर्याप्त मात्रामा स्टक छ । साल्ट ट्रेडिङको गोदाममा गएर हेर्नुहोस्,’ उनले भने‘ नेपाल खाद्यमा पनि हेर्न सक्नुहुन्छ । हामीले सुपथ मुल्यका पसलहरु पनि सञ्चालन गर्दैछौं। ३–४ ठाउँबाट ग्याँस पाइन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
