कोरोना भाइरससँग निहुँ खोज्दै हल सञ्चालक, कर छुट नगराई हल बन्द नगर्ने रणनीति

सिनेमा

नेपाल लाइभ सोमबार, चैत ३, २०७६ २०:४४

काठमाडौं- सरकारले नागरिकलाई फिल्म हेर्न हलमा नजान आग्रह गरिसके पनि हल सञ्चालहरूले भने हल बन्द नगर्ने निर्णय गरेका छन्। विश्वभर त्रास फैलाएको कोरोना भाइरसको जोखिम कम गर्न सरकारले भोजभतेर, सभा, समारोहलगायत धेरै जना मानिस भेला हुने कार्यक्रम नगर्न आग्रह गरेको छ।

तर व्यापार घाटा हुने बहाना देखाएर हल सञ्चालकहरुको संगठन नेपाल चलचित्र संघको बैठकले हल बन्द नगर्ने निर्णय गरेको छ। मुलुकभर सय वटा हल सञ्चालनमा छन्।

कोरोना भाइरसको बढ्दो त्राससँगै नयाँ नेपाली फिल्म रिलिज नै भएको छैन। हलमा पुराना नेपाली फिल्म र हिन्दी फिल्म लागिरहेका छन्। तर दर्शकको चाप भने कम छ।

स्रोतका अनुसार सरकारले आग्रह गरेकै आधारमा हल बन्द गर्दा सरकारको ध्यानाकर्षण नहुने भएकाले पहिला कर छुटको माग राखेर सो पूरा गराउन दबाब दिने र त्यसपछिको अवस्था हेरेर हल बन्द गर्ने उनीहरुको रणनीति छ। *सांकेतिक तस्बिर

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

ज्यान मार्ने उद्योगमा दीपक मनाङेलाई पाँच वर्ष कैद

साउदी अरबमा भीषण हिमपात‚ हिउँले भरिए मरुभूमि

७ वर्षमा पूरा भयो चिलिमे-त्रिशूली प्रसारण लाइन