काठमाडौं-कोरोना भाइरस (कोभिड १९) ले विश्वलाई प्रभावित पारिरहेका बेला सार्क राष्ट्रका प्रमुखको छलफलमा बंगलादेशकी प्रधानमन्त्री शेख हसिनाले कोरोना भाइरसविरुद्ध लड्न सार्क क्षेत्रमा छुट्टै संस्था निर्माण गर्न प्रस्ताव गरेकी छिन्।
भिडियो कन्फरेन्स संवादमा उनले यस्तो प्रस्ताव गरेकी हुन्।
’कोभिड १९ सँगै अन्य भाइरस र जनस्वास्थ्य समस्याविरुद्ध लड्न दक्षिण एसियाली क्षेत्रमा एउटा संस्था निर्माण गर्नुपर्छ’ उनले भनिन् ‘ हामीसँग रहेको क्षमता र जनशक्तिको प्रयोग गरी हामीले भाइरसविरुद्ध लड्न सक्छौं।’
भाइरस महामारीका रुपमा फैलिरहेको भन्दै उनले सार्क राष्ट्रका नागरिकहरुलाई बचाउन सबै राष्ट्रको नेतृत्वहरु एक भएर लाग्नुपर्नेमा जोड दिइन्।
भाइरस रोकथाम गर्न देशभर स्वास्थ्य संस्थाहरुलाई तयार अवस्थामा राखिरहेको भन्दै उनले आवश्यक परेका बेला नागरिकहरुलाई होम क्वारेन्टाइनमा राख्ने व्यवस्था मिलाइएको जानकारी दिइन्।
अस्पतालहरुमा बेडको संख्या बढाएको भन्दै उनले भाइरस परीक्षण गर्न टेस्टिङ किट र इन्फ्रारेड थर्मोमिटरहरुको व्यवस्था गरिरहेको बताइन्।
भाइरसका बारेमा सामाजिक संजालमा धेरै कुरा आइरहेको भन्दै उनले भाइरसको बारेमा सही सूचना दिने आधारहरु तयार गरेको बताइन्। यस्तै विद्यार्थीहरुलाई समेत भाइरसबाट सतर्कता अपनाउन सिकाइरहेको बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
