नयाँ दिल्ली- विश्वभर फैलिएको कोरोना भाइरसको असरका कारण दिल्ली सरकारले सिनेमा हल बन्द गराएपछि रिलिजको तयारीमा असर पर्ने भएको छ।
दिल्ली सरकारले ३१ मार्चसम्म सिनेमा हल बन्द गरेपछि यो बीचमा रिलिजको मिति पाएका चलचित्र के गर्ने अलपत्र भएका छन्।
सरकारको यो निर्णयको असर पाँचवटा फिल्ममा पर्ने भएको छ। इरफान खानदेखि अक्षयकुमारसम्मको फिल्ममा असर पर्ने भएको हो।
१३ मार्च अंग्रेजी मिडियम
इरफान खान र करिना खानको फिल्म अंग्रेजी मिडियम चर्चा राम्रै थियो। फिल्मको विशेष शो समेत गरिएको थियो। उक्त शोमा सहभागी भएका कालाकारहरुले उक्त फिल्मलाई राम्रै प्रचार गरेका थिए। यो फिल्म १३ मार्चमा रिलिज गर्ने समय पाएको थियो।
२० मार्च सन्दीप और पिंकी फरार
दिवाकर बनर्जीद्वारा निर्देशित फिल्म ‘सन्दिप और पिंकी फरार’ २० मार्चमा रिलिज हुने तय भएको थियो। यो फिल्ममा अर्जुन कपुर र परिणिती चोपडाको अभिनय रहेको छ। दिवाकरको फिल्म लामो समयदेखि अड्किरहेको अवस्थामा कोरोना भाइरसको असर परेको छ।
२४ मार्च सूर्यवंशी
अक्षयकुमार र कटरिना कैफको अभिनय रहेको बहुप्रतिक्षित चलचित्र सूर्यवंशीमाथि पनि कोरोना प्रभाव परेको छ। अक्षय ,कटरिना र रोहित सेट्टीले यो फिल्मको व्यापक प्रचार गरेका थिए। २४ मार्चमा रिलिज हुने समय पाएको यो फिल्मलाई लिएर यसअघि रिलायन्स इन्टरटेन्मेन्टका सिइओ शिवाशिषले आफूहरुले फिल्म रोक्न सक्ने बताएका थिए। उनको भनाइ आएको केही दिनमा दिल्ली सरकारले कोरोना भाइसरको संक्रमण रोक्न फिल्म हल बन्दको निर्णय गरेको हो।
२० मार्च बबलू ब्याचलर
छोटो बजेटको फिल्म बबलु ब्याचलर पनि प्रभावित हुने भएको छ। २० मार्चमा रिलिज हुने समय पाएको यो फिल्ममा शर्मन जोशी बबलूको भूमिकामा आउँदै थिए। फिल्ममा तेजश्री प्रधान र पुजा चोपडाले पनि मुख्य भूमिका निभाएका थिए। उत्तर प्रदेशको एक कथामा आधारित बनाएर यो फिल्म बनाइएको थियो।
यसरी रोकिएका फिल्महरु कहिले रिलिज हुने कुनै निश्चित नभएकाले निर्माता र कालाकार चिन्तित देखिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
