कोरोना प्रभाव : नीरफूलको रिलिज रोकियो

सिनेमा

नेपाल लाइभ बुधबार, फागुन २८, २०७६ १२:५३

काठमाडौं- कोरोना भाइरस संक्रमणले फिल्म नीरफूलको रिलिज रोकिएको छ। फिल्म निर्माण टोलीले चैत ७ मा फिल्म रिलिजको तयारी गरेको थियो।
सरकारले सार्वजनिक भेला, सभा, समारोह तथा कार्यक्रम नगर्न आव्हान गरेको र अहिलेको अवस्थामा मनोरञ्जनभन्दा नागरिक स्वास्थ्यलाई प्राथमिकतामा राख्न रिलिज रोकेको निर्माण टिमले बताएको छ।

फिल्मकाे संचारकर्मी तथा कवि फूलमान वलको निर्देशन गरेका हुन्। फिल्म भूकम्पमा बिछोडिएको एउटा परिवारको प्रेमकथामा बनेको छ। फिल्म सेलो प्रोडक्सनले फ्रेण्ड्स अफ नेपाल–म्यान्मार फ्रेन्डसिप काउन्सिलसँगको सहकार्यमा निर्माण गरेको हो।

फिल्ममा दयाहाङ राई, रेखा थापा, शान्ति वाइबा, बुद्धि तामाङ, पुष्कर गुरुङ, जिम्मे छ्योकी घिसिङ, राजन खतिवडा, सरोज अर्याल, सरिता गिरी, मानस राजलगायतले अभिनय गरेका छन्। फिल्म रिलिज स्थगित गरिएको जानकारी दिन जारी गरिएको विज्ञप्तिमा रिलिज हुने नयाँ मिति भने तोकिएको छैन।

कोरोना भाइरसको प्रभावका कारण गत शुक्रबार रिलिज हुनुपर्ने म यस्तो गीत गाउँछु २ पनि रोकिएको थियो। त्यसयता नयाँ फिल्म रिलिज भएका छैनन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

काठमाडौँबाट हङकङ उडेका २८ यात्रुलाई ‘फुड पोइजन’, छानबिन समिति गठन

कुलमानले बुझाए स्पष्टीकरण, मन्त्रालयले लगाएका आरोपको खण्डन

लसएन्जलस: मृतकको संख्या १६ पुग्यो, आगो अझै अनियन्त्रित