काठमाडौं- च्याम्पियन्स लिगमा इंग्लिस क्लब टोटनह्यामलाई पराजित गर्दै जर्मन क्लब लिपजिग र स्पेनिस क्बल भ्यालेन्सियालाई पराजित गर्दै इटालियन क्लब एटलान्टा क्वाटरफाइनलमा पुगेका छन्।
अन्तिम १६ को पहिलो लेगमा टोटनह्यामलाई १–० ले हराएको लिपजिगले मंगलबार राति भएको दोस्रो लेग ३–० ले जित्दै क्वाटरफाइनलमा स्थान बनाएको हो। लिपजिगको जितमा खेलको १०औँ मिनेटमा नै साबिट्जरले गोल गर्दै अग्रता दिलाएका थिए। उनैले खेलको २१औँ मिनेटमा दोस्रो गोल गरे। खेलको ८७औँ मिनेटमा लिपजिगका लागि फोर्सबर्गले तेस्रो गोल गरेका हुन्।
यस्तै पहिलो लेगमा ४–१ ले जितेको एटलान्टाले मंगलबार राति भएको दोस्रो लेगमा भ्यालेन्सियालाई ४–३ ले हराउँदै क्वाटरफाइनलमा स्थान बनाएको हो। एटलान्टाका लागि जोसेप इलिक एक्लैले चार गोल गरेका हुन्। खेलेको तेस्रो र ४३औँ मिनेटमा पेनाल्टीमार्फत गोल गरेका उनले ७१औँ र ८२औँ मिनेटमा थप गोल गरे।
पहिलो लेगमा नै फराकिलो हार भोगेको भ्यालेन्सियाले दोस्रो लेगमा खेलमा फर्कने प्रयास गरे पनि सफल हुन सकेन। भ्यालेन्सियाका लागि गेमिरोले २१औँ र ५१औँ मिनेटमा गोल गरेका थिए। यस्तै टोरेसले ६७औँ मिनेटमा तेस्रो गोल गरे पनि हार जोगिन सकेन।
च्याम्पियन्स लिग अन्तिम १६ को दोस्रो लेगमा बुधबार राति पौने २ बजे पिएसजी र बोरुसिया डर्टमुन्ड साथै लिभरपुल र एथ्लेटिको मड्रिडबीच खेल हुँदैछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769153516.png)
-1764146706.png)
