डडेल्धुरा- डडेल्धुराको जोगबुडामा काठ चोरी गर्ने राजेन्द्र निर्माण सेवा कम्पनीका सुपरभाईजर कञ्चनपुरको भीमदत्त नगरपालिका ९ ब्रहमदेव बस्ने चक्रबहादुर सावद पक्राउ परेका छन्। परशुरामधाम सबडिभिजन वन कार्यालय जोगबुडाको टोलीले काठ चोरेर लुकाएको अवस्थामा फेला पारेपछि साउदलाई पक्राउ गरी ईलाका प्रहरी कार्यालय जोगबुडामा राखेको जनाएको छ।
जिल्लाको परशुराम नगरपालिका १२ मा घाटगद्दीमा राखेको साल गोलीया चोरी गर्ने सावदलाई पक्राउ गरेको इलाका प्रहरी कार्यालय जोगबुडाले जनाएको छ। परशुराम नगरपालिका वडा नं. १ को सिद्धनाथ सामुदायिक वन अचलसैनले आर्थिक वर्ष २०७४/०७५ मा सामुदायिक वन क्षेत्रबाट संकलन गरी लालढुङ्गा बजार नजिक घाटगद्दी गरेकोमा सो स्थानबाट गोलीया चोरी भएको भनी पुष ६ गते र फागुन २३ गते निवेदन परेकाे थियाे। विशेष सूचनाका आधारमा लुकाइ राखेको अवस्थामा काठ बरामद गरिएको हो।
साल जातको गोलिया थान एक १३.३५ क्युफिट जोगबुडा कटालको निमार्णधिन रंगुन पुलनजिक कामदार बस्नका लागी बनाइएका टहरामा लुकाइ राखेको अवस्थामा बरामद गरेको परशुरामधाम सबडिभिजन वन कार्यालय जोगबुडाका सहायक वन अधिकृत दिपेन्द्र केसीले बताए। राजेन्द्र निर्माण सेवा कम्पनीले निर्माण गर्दै गरेको निमार्णधिन पुलको सुपरभाईजर पदमा कार्यरत सावदले टहरा निमार्ण गरी काठ लुकाइ राखेकाे अवस्थामा फेला परेपछि साउदले यसअघि पनि काठ चोरेको हुनसक्ने आशंका गरिएको छ।
उक्त घाटगद्दी गरिएको क्षेत्रबाट हालसम्म ९१ क्युफिट काठ चोरी भएको सामुदायिक वनका अध्यक्षले जानकारी दिएका छन्। उनलाई सामुदायिक वन उपभोक्ता समितिको विधान एवम् वन ऐनअनुसार कारवाही प्रक्रिया अगाडी बढाइने परशुरामधाम सबडिभिजन वन कार्यालय जोगबुडाका सहायक वन अधिकृत केसीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768563465.png)
-1768562733.png)
-1764146706.png)
-1768395492.png)
