एजेन्सी– ग्लामर दुनियाँको चमकधमकको पछाडि यस्ता कथा पनि लुकेका हुन्छन्, जसले दुनियाँकाे सुन्दरतामा नै कालो दाग लगाइरहेको हुन्छ। यस्तै कालो धब्बा हो कास्टिङ काउच। यो धब्बाबाट भाग्यमानी कलाकार मात्रै जोगिएका छन्। कसैले आफ्नो करिअरको मायामा यो पीडादायी क्षण पचाएर अगाडि बढेका छन्, कतिले सहन नसक्दा बीचैमा सपना त्यागेका छन्।
भारतीय टेलिभिजनकी परिचित अभिनेत्री रश्मी देशाइ रियालिटी टेलिभिजन शो बिग बोस १३ बाट बाहिरिए लगत्तै आफ्नो जीवनमा घटेको यस्तै नमिठो अनुभव बाडिन्। १३ वर्ष पहिला उनले त्यो दुःखद क्षण भोगेकी हुन्।
त्यो बेला उनी १६ वर्षकी मात्र थिइन्। उनलाई सुरज नाम गरेका एकजनाले उनको शरीरको नाप सोधेका थिए। उनले कुरा बुझिनन्। थाहा छैन भनिन्। त्यहाँ कुनै क्यामरा थिएन। ती ब्यक्तिले उनको ड्रिंक्समा बेहोस बनाउने औषधी मिसाएर उनलाई बेहोस बनाउने प्रयास गरेका थिए।
उनलाई नियन्त्रण गर्ने प्रयास गरिरकेको थियो। तर, उनले म यस्तो गर्दिन भनेर प्रतिवाद गरिरहिन्। करिव २ घण्टाको प्रयासपछि बल्लबल्ल उनी उम्किएर घर पुगेकी थिइन्।
‘म घर पुगेपछि सबै कुरा आमालाई भने,’ उनले पिङकभिल्लाडटकलाई भनेकी छन्, ‘दोस्रो दिन आमा मसँगै गएर त्यसलाई थप्पड हान्नुभयो।’
त्यो घटनाले उनको आत्मबल कमजोर बनाए पनि टुटेन। उनले टेलिभिजनको दुनियाँमा जम्न प्रयास गरिरहिन्। उनी जब बिग बोसको सिजन १३ मा सहभागी भइन् उनका फ्यानहरु बढे। उनी शोको फाइनल चरणसम्म पुगेर सेकेण्ड रनर अप बनिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768288990.png)
-1768271809.png)
-1764146706.png)
