काठमाडौ- पूर्व राजपरिवारको नामबाट नेपाल ट्रष्टको नाममा आएको सम्पत्ति देशभर २१ हजार ५ सय ६२ रोपनी ४ आनाभन्दा धेरै रहेको ट्रष्टले जानकारी दिएको छ।
मंगलबार पत्रकार सम्मेलन गर्दै ट्रष्टका अध्यक्ष तथा उपप्रधानमन्त्री इश्वर पोखरेलले १२ वटा जिल्लामा ट्रष्टको नाममा सम्पत्ति रहेको बताए।
नेपाल ट्रष्टको नाममा रहेको मध्ये काठमाडौका ६ स्थानमा लिजमा दिइएको उनले बताए।
गोकर्ण फरेष्ट रिर्सोट, दरबारमार्ग, कमलादी, टेकु र कमलादीको घर तथा जग्गा लिजमा दिइएको उनले बताए।
यो दरबारले दिएको र हाल थप गर्ने कार्य केहीमा भएको उनले बताए।
धनकुटादेखि सुर्खेतसम्म १२ वटा जिल्लामा रहेको ट्रष्टको सम्पत्ती पारदर्शी र कानुनको अधिकनमा रहेर प्रचलनमा ल्याइने ट्रष्टका अध्यक्ष पोखरेलले बताए।
ट्रष्टका नाममा ७८ करोड नेपाली रुपैयाँ, अमेरिकी डलर १ लाख ४८ हजार र बेलायती पाउन्ड ५० हजार चल सम्पत्ति रहेको समेत उनले जानकारी दिए।
यसका साथै केही होटलमा शेयर पनि रहेको उनले बताए।
.jpg)
ट्रष्टका सम्पत्ति अब स्वास्थ्य शिक्षा र पर्यटन क्षेत्रमा लगाउने उनको भनाइ थियो।
प्रचलित कानुनमा रही र ट्रष्टलाइ फाइदा हुने गरी लिज अवधि थप गरिएको दाबी उनले गरे।
‘यहाँ हुने सबै काम पारदर्शी रूपमा भएका छन्,’ उनले भने, ‘गोकर्ण रिर्सोटको म्याद अवधि पनि यसैगरी थप भएको हो।’
कार्यविधि पारित भएपछि विद्यालय, पुस्तकालय र अस्पताल निर्माणको काम गर्ने उनले बताए।
यस अवधीमा ट्रष्टले सही सूचना सम्प्रेष्ण गर्न नसक्दा भ्रम सिर्जना भएको दाबी उनले गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
