काठमाडौं- बालुवाटार जग्गा प्रकरणका मुख्य अभियुक्त भूमाफिया शोभाकान्त ढकालको घरमा बम विस्फोट गराउने विप्लव नेतृत्वको नेपाल कम्युनिस्ट पार्टीका ७ जना नेता पक्राउ परेका छन्।
पक्राउ पर्नेमा अखिल क्रान्तिकारी ड्रेड युनियन महासंघका सदस्य भीम अधिकारी, विष्णुप्रसाद अधिकारी, हरिचन्द्र खड्का, पूर्व गाेरखा जिल्ला सक्रेटरी हाल गण्डक ब्यूराे सदस्य कपिल भट्ट, गाेकर्णेश्वर नपा ३ का नगर अध्यक्ष दिनेश नगरकाेटी, अखिल नेपाल मजदुर संगठन सदस्य, हाइड्राे तथा खानीका उापध्यक्ष विकास थापा र अखिल क्रान्तिकारी ट्रेड युनियन महासंघ ललितपुरका अध्यक्ष राजकुमार मगर रहेका छन्।
पक्राउ परेका भीम अधिकारी दैलेखकाे नारायण नगरपालिका ११ घर भइ हाल काठमाडाैंकाे चन्द्रागिरी नगरपालिका १४ नैकाप बस्दै आएका थिए। उनीमाथि २०७४ सालमा इलाका प्रहरी कार्यालय मैनापाखरी वर्दियाबाट सार्वजनिक अपराधमा कारबाही भएकाे थियाे। उनी २४ दिन हिरासतमा बसेका थिए। उनलाई यही माघ २४ गते चन्दा ऐन अन्तर्गत थप अनुसन्धानका लागि महानगरीय प्रहरी परिसर काठमाडाैं पठाइएकाे छ।
यसैगरी विष्णुप्रसाद कास्कीकाे पाेखरा २७ घर भइ हाल चन्द्रागिरी नगरपालिका २४ नैकाप बस्दै आएका थिए। २०७४/८/२५ मा इलाका प्रहरी कार्यालय हंसपुरले चुनावमा विराेधी गतिविधि गरेका कारण उनलाई जिल्ला प्रहरी कार्यालयबाट सार्वजनिक अपराधमा कारबाही भएकाे थियाे। उनी ३२ दिन हिरासत बसेर छुटेका थिए। उनकाे शरीरमा खानतलासी गर्दा आवाज लेखिएकाे हिरासतका दिन नामक किताब फेला परेकाे थियाे। उनलाई पनि चन्दा ऐन अन्तर्गत थप अनुसन्धानका लागि पठाइएकाे छ।
रामेछापकाे खाँडादेवी गाउँपालिका १० का हरिचन्द्र चन्द्रागिरी २४ नयाँबस्ती बस्दै आएका थिए। २०७५ बैशाखमा काठमाडाैंकाे घट्टेकुलाेमा भएकाे पत्रकार सम्मेलनबाट पक्राउ परेका उनलाई अभद्र व्यवहारमा कारबाहीमा परेका थिए। उनी १४ दिन हिरासतमा बसेका थिए। उनकाे काेठा खानतलासी गर्दा क्रमभंग लेखिएकाे किताब, लालरक्षक लेखिएकाे किताब, विप्लवका दस्तावेज बरामद भएकाे थियाे। पार्टीकाे लेटरप्याडमा आर्थिक सहयाेग सम्बन्धी पत्रलगायतका सामग्री बरामत भएकाे थियाे।
यस्तै गाेरखा भीमसेनथापा नपा १ का कपिल भट्ट चितवनकाे भरतपुर महानगरपालिका २ बस्दै आएका थिए। अभद्र व्यहार र राज्यविरुद्धकाे कसुरमा २०७६/१/२२ मा जिल्ला प्रहरी कार्यालय गाेरखाबाट कारबाही भएकाेमा उनलाई २०७६/६/८ मा सर्वाेच्च अदालतले सफाइ दिएकाे थियाे। उनी ढकालकाे घरमा बम विस्फाेट गराउन संलग्न रहेकाे प्रहरीले जनाएकाे छ। उनलाई विस्फाेटक पदार्थ ऐन अन्तर्गत अनुसन्धान भइरहेकाे छ।
गाेकर्णेश्वर नपा ३ घर भएका नगरकाेटी भक्तपुर सानाेठिमी बस्दै आएका थिए। उनी बैंकिङ कसुरमा २०७४/३/२५ मा बाैद्धबाट पक्राउ परेका थिए। उनले आफू विप्लव समूहमा आबद्ध नभएकाे दाबी गरेका छन्। माघ २६ गते पक्राउ परेका उनीमाथि अनुसन्धान भइरहेकाे प्रहरीले जनाएकाे छ।
गाेरखा सुलिकाेट घर भएका विकास थापा ललितपुर भैसेपाटी बस्दै आएका थिए। यसअघि २०७५/९/१९ मा पक्राउ परेका उनी १२ दिन हिरासत बसेका थिए। उनकाे काेठा खानतलासी गर्दा नेपाल कम्युनिस्ट आन्दाेलन र एकीकृत जनक्रान्ति, हाम्राे विश्लेषण, जनमुक्ति सेना नेपाल नामक किताब फेला परेकाे थियाे।
सिन्धुपाल्चाेक घर भएका राजकुमार हाल भक्तपुर भैसेपाटी बस्दै आएका थिए। उनकाे काेठा खनातलासी गर्दा नेपाल कम्युनिस्ट आन्दाेलन र एकीकृत जनक्रान्ति, हाम्राे विश्लेषण, जनमुक्ति सेना नेपाल नामक किताब फेला परेकाे थियाे।
उनीहरुलाई महानगरीय प्रहरी परिसर काठमाडाैं पठाइएकाे छ।
महानगरीय महानगरीय अपराध महाशाखाको टोलीले उनीहरूलाई विभिन्न स्थानबाट पक्राउ गरेको हो। माघ १ गते बेलुका ८ बजेतिर ढकालको घरको गेटमा बम विस्फोट भएको थियो।
विस्फोटबाट पार्किङ गरी राखिएको कार र गेटमा क्षति पुगेको थियो। विस्फोटबाट घरका झ्यालका सिसा फुटेका थिए। तर कुनै मानवीय क्षति भने भएको थिएन।
सांकेतिक तस्बिर
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
