काठमाडौं- तत्कालीन प्रधानमन्त्री डा. बाबुराम भट्टराईले व्यक्ति विशेषलाई मोही कायम गराउने सम्बन्धमा मन्त्रिपरिषद्मा प्रस्ताव नआएको बताएका छन्।
ललिता निवास जग्गा अपचलन प्रकरणमा अख्तियार दुरुपयोग अनुसन्धान आयोग समक्ष बयान दिँदै तत्कालीन प्रधानमन्त्री भट्टराईले गुठीको नाममा दर्ता गर्न स्वीकृति दिने निर्णयमात्रै भएको बयान दिएका हुन्।
नेपाल लाइभले प्राप्त गरेको अख्तियारको बयानपत्रमा उनले उनले भनेका छन्, 'पूर्व प्रधानमन्त्री डा. बाबुराम भट्टराईको बयान व्यक्ति विशेषलाई मोही कायम गराउने सम्बन्धमा मन्त्रिपरिषद्मा प्रस्ताव आएको पनि छैन र निर्णय भएको पनि होइन।'
बाँकी उनकै शब्दमा जस्ताको तस्तै:
मन्त्रिपरिषद् निर्णय नेपाल सरकारले समरजंग कम्पनीका नाममा रहेको जग्गा पशुपति टिकिन्छा गुठी जग्गाधनी तथा मोही कायम गर्ने/गराउने सम्बन्धमा मन्त्रिपरिषद्बाट निर्णय भएको होइन।
मन्त्रिपरिषदको निर्णय पुनः नापी बमोजिम नेपाल सरकार समरजंग कम्पनीको नाममा दर्ता भएको सच्याई साविक लागत बमोजिम श्री पशुपति टिकिन्छा गुठीको नाममा दर्ता गर्न स्वीकृति दिनेमात्र हो।
व्यक्ति विशेषलाई मोही कायम गराउने सम्बन्धमा मन्त्रिपरिषद्मा प्रस्ताव आएको पनि छैन र निर्णय भएको पनि होइन।
दर्ता सच्याउने प्रस्ताव प्रक्रियागत रुपमा आएको र नेपाल सरकार कार्य सम्पादन नियमावली बमोजिम सामाजिक समितिमा पठाई समितिले निर्णय भएर आएबमोजिम मन्त्रिपरिषद्ले त्यसलाई स्वीकृत गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
