ललिता निवास जग्गा प्रकरण : ३ पूर्वमन्त्रीसहित १७५ विरुद्ध मुद्दा दायर

नेपाल लाइभ

ललिता निवास जग्गा प्रकरण : ३ पूर्वमन्त्रीसहित १७५ विरुद्ध मुद्दा दायरपूर्वमन्त्री गच्छदार र श्रेष्ठविरुद्ध ९ करोड ६५ बिगो दाबी

नेपाल लाइभ बुधबार, माघ २२, २०७६ १८:१४

काठमाडौं- बालुवाटारस्थित ललिता निवासको जग्गा अनियमितता प्रकरणमा अख्तियार दुरुपयोग अनुसन्धान आयोगले तीन पूर्वमन्त्री र तीन पूर्व सचिवसहित १ सय ७५ जना विरुद्द मुद्दा दायर गरेको छ।

तत्कालीन भौतिक योजनामन्त्री विजयकुमार गच्छदार, भूमिसुधार मन्त्री डम्बर श्रेष्ठ दुवैविरुद्ध ९ करोड ६५ लाख ७६ हजारका दरले बिगो माग दाबी गर्दै मुद्दा दायर भएको छ।

पूर्वमन्त्री चन्द्रदेव जोशीलाई ७ करोड ८ लाख ४८ हजार बिगो माग दाबी गरिएको छ।

त्यसैगरी पूर्वसचिव दीपकुमार बन्स्यात र छवि पन्तविरुद्ध ९ करोड ६५ लाख ७६ हजार बिगो माग दाबी गर्दै मुद्दा दायर गरिएको छ।

पूर्वसचिव दिनेशहरि अधिकारीविरुद्ध पनि ७ करोड ८ लाख ४८ हजार बिगो माग दाबी गरिएको छ।

बालुवाटारस्थित १ सय १४ रोपनी जग्गा हिनामिना प्रकरणमा १ सय ७५ जना विरुद्ध मुद्दा दायर भएको अख्तियारले जनाएको छ।

सोही प्रकरणमा मुछिएका नेता माधव कुमार नेपाल र विष्णु पौडेलविरुद्ध भने मुद्दा दायर गरिएको छैन।

ललिता निवासको ११४ रोपनी जग्गा हिनामिना प्रकरणमा सिआइबी र अख्तियारका छुट्टा छुट्टै टोलीले अनुसन्धान गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना