काठमाडौं– महानगरीय प्रहरी मातहतका कार्यालय आउने सेवाग्राहीको सहजीकरणको लागि नागरिक सहजकर्ता सेवाको शुरु गरिएको छ।
बुधबारदेखि नागरिक सहजकर्ता सेवा सुरू गरिएको महानगरीय प्रहरी कार्यालयका प्रमुख प्रहरी नायव महानिरीक्षक विश्वराज पोखरेलले जानकारी दिए।
प्रहरीले दिने सेवा सहज, सरल, मर्यादित, समान, निश्पक्ष र पारदर्शी बनाउने अभिप्रायले उपत्यकाका मुद्दा चल्ने प्रहरी कार्यालयहरूमा कार्यालय समयमा नागरिक सहजकर्ताको व्याच लगाई कार्यालयको गेटमा नागरिकहरूलाई सेवा दिने गरी बस्ने व्यवस्था सुरू गरिएको छ।
विभिन्न प्रहरी कार्यालयबाट उक्त कार्यमा खटिएका प्रहरी कर्मचारीहरूलाई महानगरीय प्रहरी कार्यालयका प्रमुख प्रहरी नायव महानिरीक्षक विश्वराज पोखरेलले निर्देशन दिँदै भने, ‘हामी अन्यायमा पर्नेको साथी, सहयोगीका पक्षधर हौं। न्यायको लागि आउने जो कोही नागरिकलाई दिने हाम्रो सेवा सहज, सरल, समान, पारदर्शी, निष्पक्ष र छिटो छरितो हुनु पर्छ।’
कार्यलयमा आएका सेवाग्राहीहरूले न्यायको लागि मसँग राज्य, सरकार, प्रहरी संगठन छ भन्ने अनुभुत गर्ने गरि बोलीवचन र सहयोगी भावनासहितको सेवा दिन निर्देशन दिए।
नागरिक सहजकर्ताले सम्बन्धित कर्मचारी र शाखा समक्ष पु¥याउन सहयोग गर्नेछन्।
सेवा प्रवाहमा उच्चताका साथ काम गर्न निर्देशन दिदै कोही कसैबाट कमजोरी भएमा वा सेवा प्राप्तीका लागि आउने नागरिकहरू असन्तुष्ट भएमा सम्बन्धित कर्मचारी जिम्मरवार हुने पोखरेलले बताए।
नागरिक सहजकर्ताको सेवा बुधबारदेखि पहिलो चरणमा ३ वटै महानगरीय प्रहरी परिसरहरू, ट्राफिक महाशाखा, ललितपुर र भक्तपुर ट्राफिक परिसर ,अपराध महाशाखा र परिसर मातहतका सबै वृत्त र प्रभागमा सुरूवात गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
