नयाँदिल्ली- भारतमा चिसाेका कारण जनजीवन नराम्ररी प्रभावित भएकाे छ। राष्ट्रिय राजधानीमा चिसोले सन् १९९७ पछि २२ वर्ष पुरानो रेकर्ड तोडेकाे छ। यस्ताे चिसाे १०० बर्षकाे अवधिमा चार पटक मात्र भएको छ।
चिसाे बढेपछि दिल्लीसहित ६ राज्यमा रेड अलर्ट जारी गरिएकाे छ। भारतीय सञ्चार माध्यमका अनुसार माैसम विभागले पञ्जाब, हरियाणा, दिल्ली, राजस्थान, उत्तर प्रदेश र बिहारमा रेड अलर्ट जारी गरेकाे हाे।
५९ जनाकाे मृत्यु
भारतका धेरै ठाउँमा न्यूनतम तापक्रम 'फ्रिजिंग पोइन्ट' भन्दा तल गएकाे छ। चिसोले मानिसहरु थरथर काँप्दै छन्।
दिल्लीमा चिसाेबाट बच्नका लागि प्लास्टिककाे ओडेर सुत्दै
उत्तर प्रदेश, बिहार, पञ्जाब, हरियाणा, मध्य प्रदेश, झारखण्ड र राजस्थान राज्यका अधिकांश भागहरुमा मौसमका कारण जनजीवन प्रभावित भएको छ। चिसाेले उत्तर प्रदेशमा ५९ जनाकाे ज्यान गएकाे जागरण अनलाइनले लेखेकाे छ।
चिसाेले रेकर्ड ताेड्याे
चिसोले दिल्लीमा नयाँ रेकर्ड बनाएकाे छ। दिल्लीमा लगातार ११ दिन चिसाे भएकाे छ। यस्ताे लगातार चिसाे भएकाे सन् १९९७ पछि पहिलाे पटक हाे।
यस पटक चिसोले दिल्ली, नोएडा, गाजियाबाद र फरीदाबाद वरपरका क्षेत्रहरुमा बरफ जमेकाे छ। फाँटमा तापक्रम १६ डिग्री सेल्सियसबाट पनि तल झरेकाे छ।
शनिबार दिल्लीकाे तापक्रम १.७ डिग्री सेल्सियस थियाे। याे १९०१ पछिकाे दाेस्राे सबैभन्दा चिसाे दिन हाे।
चिसोले हिमाचलकाे तापक्रम शून्य डिग्री भन्दा तल झरेकाे छ। हिमाचल प्रदेशमा शीतलहर जारी छ।
राजस्थानका पाँच शहरहरु फतेहपुर, माउन्ट आबू, जोबनेर, सीकर र चुर, फ्रिजिंग पोइन्टको मुनि रेकर्ड गरियो। फतेहपुर माइनस चार डिग्री माल्सियस। माउन्ट अबू बरफले ढाकिएको छ। ओडिशा र छत्तीसगढ़का अधिकांश भागहरूमा चिसो कायमै थियो।
तस्बिर आजतक र पिटिआई
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770527955.jpg)
-1764146706.png)
