पोखरा- दोस्रो पोखरा प्रिमियर लिग (पिपिएल) टी ट्वान्टी क्रिकेटको फाइनलमा विराटनगर टाइटन्सविरुद्ध चितवन राइनोजले २ सय ३ रनको लक्ष्य दिएको छ। पूरा २० ओभर खेल्दै ५ विकेट जाँदा चितवनले २ सय २ रन बनाएको हो।
पोखरा रंगशाला क्रिकेट मैदानमा विराटनगर टाइटन्सले टस जितेर फिल्डिङ रोजेपछि ब्याटिङ गरेको चितवनका लागि अनिल कुमार साह र रोहन मुस्तफाले अर्धशतक बनाए।
अनिलले ३३ बलमा अर्धशतक बनाएका हुन्। उनले ३ चौका ३ छक्का हाने। रोहन मुस्तफाले ४२ बलमा अर्धशतक हानेका हुन्। उनले ३ चौका १ छक्का हाने।
चितवनका कप्तान पारस खड्काले ११ बलमा ४ चौका र १ छक्कासहित २५ रन बनाए। बाबर हयात ५ बलमा ५ रन बनाएर आउट भए। आरिफ शेखले ११ बलमा १९ रन बनाए। उनले १ चौका २ छक्का हाने।
अविजित रहेका सन्नी पटेलले ८ बलमा १६ रन साथै करण केसीले ८ बलमा २६ रन हाने।
विराटनगरका पुनित मेहरा र मोहम्मद जायद आलमले दुई–दुई विकेट लिए। किशोर महतोले एक विकेट लिए।
.JPG)
........
लिग चरणका खेलमा सबै पाँच खेल जितेर चितवन सिधै फाइनल पुगेको हो।
विराटनगर लिग चरणमा पाँचमा दुई खेल जितेर नेट रन रेटका आधारमा प्ले अफमा पुगेको थियो। जहाँ इलिमिनेटर खेलमा बुटवल ब्लास्टरलाई २१ रनले हराएर विराटनगर फाइनलमा पुगेको हो।
लिग चरणमा चितवनले पहिलो खेलमा पोखरालाई ६ विकेटले हराएको थियो। दोस्रो खेलमा बुटवललाई १ सय १९ रनले हराएको चितवनले तेस्रो खेलमा धनगढीलाई ५२ रनले हराएको थियो। चौथो खेलमा विराटनगरलाई १८ रनले हराएको थियो। पाँचौ खेलमा काठमाडौंलाई ६० रनले हराएको थियो।
यसअघि पहिलो खेलमा विराटनगर धनगढीसँग ५ रनले पराजित भएको थियो। दोस्रो खेलमा पोखरालाई ४५ रनले हराएको विराटनगर तेस्रो खेलमा काठमाडौंसँग ३६ रनले हारेको थियो। चौथो खेलमा विराटनगर चितवनसँग १८ रनले हारेको थियो। पाँचौँ खेलमा बुटवललाई ४ विकेटले हराउँदै विराटनगर प्लेअफमा पुगेको थियो।
पिपिएल विजेताले २७ लाख रुपैयाँ र उपविजेताले १० लाख रुपैयाँ पुरस्कार पाउने छन्। साथै उत्कृष्ट तीन खेलाडीलाई मोटरसाइकल पुरस्कार दिइँदै छ। जसमा म्यान अफ दि सिरिज, उत्कृष्ट बलर र उत्कृष्ट ब्याट्सम्यान रहने छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
