बिहीबार सूर्यग्रहण लागिरहँदा वलय (रिङ्ग अफ फायर) हेर्न चाहने मानिसहरुको भीडमा भारतीय प्रधानमन्त्री नरेन्द्र मोदी पनि सहभागी थिए।
मोदीले आफ्नो फेसबुकमा फोटो पनि सार्वजनिक गरेका छन्।
‘केही भारतीय झैं म पनि सूर्य ग्रहणलाई लिएर उत्साहित भएको थिएँ। दुर्भाग्यवश बादल लागेका कारणले मैले हेर्न भने पाइनँ। तर‚ मैले लाइभ स्ट्रिमबाट भएपनि हेरें। यसका साथै विशेषज्ञहरूबाट यसबारे धेरै जानकारी पनि बटुलेँ।’ मोदीले आफ्नो फेसबुकमा लेखे।
मोदीको तस्वीर सार्वजनिक हुनासाथ सामाजिक सञ्जालमा एकाएक भाइरल हुन पुग्यो। त्यसैबेला कुनै ट्विटर प्रयोगकर्ताले ट्विट गर्दै‚ ‘अब यो मजाकको विषय बन्नेछ‚’ लेखे। तत्काल मोदीले उक्त ट्विटको स्वागत गरे।
.JPG)
मोदीले भनेझैं सामाजिक सञ्जालमा मानिसहरूले भारतीय प्रधानमन्त्री मोदीका तस्वीरको धज्जी उडाउन थाले।
सामाजिक सञ्जालमा केही व्यक्तिको नजर मोदीले लगाएको चस्मामा गयो।
उनले लगाएको चस्मा मेब्याख कम्पनीको हो। जर्मनीमा रहेको सो कम्पनीका केही चस्मा १ हजार ९ सय ९५ डलरसम्म पर्ने खाले पनि छन्।
तर मोदीले लगाएको चस्माको मूल्य त्यही नै हो कि होइन भन्ने विषय भने अझै अन्यौल नै छ। तर सो कम्पनीका यस्तै फ्रेमहरू अनलाइनमा हेर्दा मोदीको चस्मासँग मिल्दोजुल्दो देखिएका छन्।
भारतीय कांग्रेसकी नेत्री राधिका खेडाले ट्विटरमा ‘फकिरको फकिरीपन’ भन्दै मोदीले लगाएको चस्माको फोटो पोस्ट गरिन्।
ट्विटरमा कूलेस्ट पिएम भन्दै ट्विट गर्दै मानिसहरूले उनको चस्मालाई भाइरल बनाइरहेका छन्।
राम्सा नामका एक ट्विटर प्रयोगकर्ताले ट्विट गर्दै मोदीलाई उनको व्यक्तित्व हेरेरमात्र नभई उनी एक असल नागरिक भएकाले पनि आफूले समर्थन गरेको बताएका छन्।
‘प्रधानमन्त्री मोदी मेब्याख कम्पनीको चस्मा लगाउँछन्‚ जसको मूल्य डेढ लाख छ। केही मानिसहरू आफ्नो खातामा १५ लाख रुपैयाँ आइहाल्छ कि भन्ने पर्खाइमा छन्। पाखण्डिपनको पनि सिमा हुन्छ नि साथीहरू‚’ चौकीदार अदानीले यसै सन्दर्भलाई व्यङ्ग्य गर्दै ट्विट गरे।
कतिपयले मोदीले उनको तस्वीरलाई हाँस्यास्पद तरिकाले प्रयोग गर्ने कुरालाई स्वागत गरेकाले उनको प्रशंसासमेत गरे।
ममता बनर्जीलाई व्यङ्ग्य गर्दै अरुण शाह लेख्छन्‚ ‘यही त छ फरक‚ कूल पिएम र फाँसीवादी सीएम बीच।’
सईद नाम गरेका ट्विटर प्रयोगकर्ता लेख्छन्‚ ‘हाम्रा ‘कूल’ प्रधानमन्त्री १० लाखको सुट र डेढ लाखको चस्मा लगाएर भन्छन् - म त फकीर न हुँ। झोला बोक्छु‚ हिँड्दिन्छु।’
ट्विटरमा केहीले ‘अब मान्छेहरू मोदीले यो चस्मा त्यस्तो साइटबाट किनेका हुन् जहाँ यही चस्मा सस्तो मूल्यमा पाइन्छ भन्दै मोदीको बँचाऊ गर्दै उत्रिन्छन्।’ भनिरहेका छन्।
राहुल गान्धीको चर्चित ज्याकेट
सन् २०१८ जनवरीमा राहुल गान्धीको ज्याकेटको पनि ठिक यसै गरी चर्चा भएको थियो।
उनले ‘बरबरी’ कम्पनीको ज्याकेट लगाएको तस्वीर सार्वजनिक गरेपछि सो ज्याकेट पनि यसै गरी चर्चामा आएको थियो।
उनले लगाएको ज्याकेट ब्रिटिसको एक लग्जरी फेसन हाउसको हो‚ जुन कम्पनी लन्डनमा अवस्थित छ। राहुल गान्धीले लगाएको ज्याकेटको मूल्य त्यसबेला ६३ हजार रुपैयाँ थियो।
त्यसबेला राहुल गान्धीको ज्याकेटलाई लिएर भाजपा र आम नागरिकको विभिन्न प्रतिक्रिया आएका थिए।
भाजपाले सो ज्याकेटमाथि व्यङ्ग्य गर्दै राहुल गान्धीको दोहोरो चरित्रले सम्पूर्ण भारतीयको मजाक उडाएको भनी विरोध गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791799330.png)
-1791796975.png)
-1786602170.png)
