पोखरा- पोखरा प्रिमियर लिग (पिपिएल) टी ट्वान्टी क्रिकेटमा बुटवल ब्लास्टरलाई २१ रनले हराउँदै विराटनगर टाइटन्स फाइनलमा पुगेको छ। विराटनगरले दिएको १ सय ६६ रनको लक्ष्य पछ्याएको बुटवलले पूरा ओभर खेल्दै १० विकेट गुमाएर १ सय ४४ रन मात्र बनाउन सक्यो।
अन्तिम १२ बलमा २६ रन चाहिँदा १९ औँ ओभर जितेन्द्र मुखियाले एक रन पनि नदिइ सकाएका थिए। अन्तिम ओभरमा पुतिन मेहराले तीन विकेट लिएर चार रन मात्रै दिए।
बुटवलका लागि अफ्ताबुद्धिन आलमले २२ बलमा ४३ रन बनाएका थिए। उनले ६ चौका र २ छक्का हाने। शंकर रानाले ८ बलमा ४ रन लिए। हर्ष टन्कले ६ बलमा २ रन बनाए। भिम सार्कीले ३४ बलमा ४४ रन हाने। उनले ३ चौका २ छक्का हाने। शिवम सिंहले ११ बलमा १४ रन हाने।
विराटनगरका लागि साहव आलम र पुनित मेहराले तीन-तीन विकेट लिए। किशोर महतो, जितेन्द्र मुखिया, मोहम्मद जायद आलमले एक-एक विकेट लिए।
यसअघि टस जितेर बुटवलले फिल्डिङ रोजेपछि ब्याटिङमा आएको विराटनगरले पूरा २० ओभर ब्याटिङ गर्दै ५ विकेट जाँदा १ सय ६५ रन बनाएको थियो।
विराटनगरका लागि ओपनिङ ब्याटिङमा आएका मोहम्मद जायद आलमले १३ बलमा २० रन बनाए। जसमा उनले ३ चौका हाने। सुनिल धमलाले ५४ बलमा ६१ रन बनाए। उनले ६ चौका र २ छक्का हाने। कप्तान सिंह ऐरीले १३ बलमा ४ छक्कासहित ३३ रन बनाए।
लोकेश बम १६ बलमा १९ रन बनाउँदा आउट भए। उनले २ छक्का हाने। पुनित मेहराले २१ बलमा १९ रन बनाए। बुटवलका लागि हर्ष टन्कले दुई विकेट लिए। अभिनाश बोहरा र ललित सिंह भण्डारीले एक–एक विकेट लिए।
यसअघि बुधबार भएको लिग चरणको अन्तिम खेलमा विराटनगर बुटवललाई ४ विकेटले हराउँदै प्लेअफमा पुगेको थियो। बुटवलले दिएको १ सय ३४ रनको लक्ष्य १२.३ ओभरमा पूरा गर्नुपर्ने स्थितिमा विराटनगरले उत्कृष्ट ब्याटिङ देखाउँदै ११.४ ओभरमा ६ विकेट जाँदा लक्ष्य पूरा गरेको थियो। जसले नेट रन रेटमा काठमाडौंभन्दा अघि रहँदै विराटनगर प्ले अफमा आइपुगेको थियो।
यसअघि पहिलो खेलमा विराटनगर धनगढीसँग ५ रनले पराजित भएको थियो। दोस्रो खेलमा पोखरालाई ४५ रनले हराएको विराटनगर तेस्रो खेलमा काठमाडौंसँग ३६ रनले हारेको थियो। चौथो खेलमा विराटनगर चितवनसँग १८ रनले हारेको थियो।
यस्तै पहिलो खेलमा काठमाडौंलाई सुपर ओभरमा हराएको बुटवल दोस्रो खेलमा चितवनसँग १ सय १९ रनले हारेको थियो। तेस्रो खेलमा पोखरालाई ८ विकेटले हराएको बुटवलले चौथो खेलमा धनगढीलाई ७ विकेटले हराएको थियो। चितवन पाँच खेलमा पाँच खेल नै जित्दै फाइनलमा पुगिसकेको छ। फाइनल खेल शनिबार हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1763206340.png)
-1763208890.png)
-ink-1735720380-1735720728.jpeg)
