प्रधानसेनापति अन्तर्राष्ट्रिय महिला फुटबलको उपाधि एपीएफलाई

स्पोर्टस लाइभ

नेपाल लाइभ बुधबार, पुस ९, २०७६ १९:४५

काठमाडौं- प्रधानसेनापति अन्तर्राष्ट्रिय महिला फुटबल प्रतियोगिताको उपाधि एपीएफ क्लबले जितेको छ।

बुधबार भएको फाइनलमा आर्मी क्लबलाई २–० गोलअन्तरले पराजित गर्दै एपीएफले पाँचौ पटक प्रधानसेनापति अन्तर्राष्ट्रिय महिला फुटबल प्रतियोगिताको उपाधि उचालेको हो। एपीएफलाई उपाधि दिलाउन सरु लिम्बु र रेखा पौडेलले गोल गरे।

एपीएफले उपाधिसहित ३ लाख रुपैयाँ र आर्मीले १ लाख ५० हजार रुपैयाँ प्राप्त गरेको छ।

प्रतियोगिताको सर्वोत्कृष्ट खेलाडी आर्मीकी दीपा राई घोषित भइन्। एनले स्कुटर प्राप्त गरेकी छिन्। प्रतियोगितामा सावित्रा भण्डारी उत्कृष्ट फरवार्ड घोषित भइन्। त्यस्तै, एपीएफकै अञ्जली सुब्बा उत्कृष्ट गोलकिपर र जनक सिंह उत्कृष्ट प्रशिक्षक घोषित भए।

त्यस्तै, आर्मीकी पुजा राना उत्कृष्ट डिफेन्डर र भुटानको राष्ट्रिय टोलीकी पेमा छोडेन छिरिङ उत्कृष्ट मिडफिल्डर भए। त्यस्तै, आर्मीकी विमला विक उदयीमान खेलाडी घोषित भइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पुटिनसँग प्रत्यक्ष वार्ताका लागि जेलेन्स्की तयार

भारत र पाकिस्तानबीच आज वार्ता हुँदै

आजको मौसमः पहाडका केहि क्षेत्रमा वर्षाको सम्भावना