काठमाडौं- १० खेलाडीमा सीमित भएपनि बहादुरीपूर्ण प्रदर्शन गर्दै न्यु रोड टिम (एनआरटी) ले सहिद स्मारक ए डिभिजन लिग फुटबलमा च्यासल युथ क्लबलाई पराजित गरेको छ।
बुधबार दशरथ रंगशालामा भएको खेलमा एनआरटीले च्यासललाई २–१ गोलअन्तरले पराजित गरेको हो। एनआरटीको जितमा जुनियर ओनगुने निकेनगुएले खेलको २३औं र दर्शन गुरुङले खेलको ८६औं मिनेटमा गोल गरे। यता, च्यासलका लागि अमिर श्रेष्ठले खेलको अतिरिक्त समयमा गोल गरेपनि हारबाट जोगाउन सकेनन्।
जितपछि खुशी देखिएका एनआरटीका प्रशिक्षक राजुकाजी शाक्य महत्वपूर्ण ३ अंक पाएको बताउछन्। ‘हामीले महत्वपूर्ण ३ अंक पाएका छौं। जित्यौ निकै खुशी लागेको छ।’
च्यासलका प्रशिक्षक बालगोपाल साहुखलले भने सबै खेलाडीले कप्तान सन्तोष साहुखललाई मात्रै बल बढि पास दिदा खराब नतिजा आएको बताए। उनले भने, ‘सन्तोषलाई नै टिमका सबै खेलाडीले ध्यान दिदा राम्रो हुन सकेन। एनआरटीका फरवार्डले निकै दबाब दिएर खेल्यो।’
राजुकाजीले गत वर्षको सिजन भने च्यासलको मुख्य प्रशिक्षक भएर काम गरेका थिए। आफ्नै पूर्व क्लबविरुद्ध २–१ गोलको जित निकाल्दा प्रशिक्षक दंग छन्। भन्छन्, ‘एनआरटी भन्दा निकै राम्रो टिम हो च्यासल। एनआरटीका कतिपय खेलाडी पहिलो पटक दशरथ रंगशालामा खेल्दै छन्। सन्तोष साहुखल निकै राम्रा खेलाडी हुन्। तर उनी घाइते जस्तो देखे। त्यो नै हाम्रो लागि फाइदा भयो।’
सन्तोषको सय गोल अधुरै
च्यासल क्लबका कप्तान सन्तोष साहुखल सय गोलको संघारमा छन्। एनआरटीविरुद्ध गोल गर्दै सय गोलको कीर्तिमान बनाउने लक्ष्यमा थिए उनी।
सन्तोषले दशरथ रंगशालामा एनआरटीविरुद्ध गोल गर्दै सय गोलको कीर्तिमान बनाउने अवसर मात्रै गुमाएनन्, उपाधि लक्ष्य बनाएको च्यासललाई हारबाट पनि जोगाउन सकेनन्।
सहिद स्मारक ए डिभिजन लिगमा सन्तोषले ९९ गोल गरेका छन्। जारी लिगमा ३ गोल गरेका सन्तोष धेरै भन्दा धेरै गोलको रेकर्ड राख्ने लक्ष्यमा छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791043321.png)
-1791041970.png)
-1786602170.png)
