पोखरा- पोखरा प्रिमियर लिग (पिपिएल) टी ट्वान्टी क्रिकेटमा लिग चरणको अन्तिम खेलमा बुटवल ब्लास्टरलाई ४ विकेटले हराउँदै विराटनगर टाइटन्स प्ले अफमा पुगेको छ। १ सय ३४ रनको लक्ष्य १२.३ ओभरमा पूरा गर्नुपर्ने स्थितिमा विराटनगरले उत्कृष्ट ब्याटिङ देखाएको हो।
११.४ ओभरमा ६ विकेट जाँदा विराटनगरले लक्ष्य पूरा गरेको हो। जसले काठमाडौंभन्दा नेट रन रेटमा राम्रो बनाउँदै विराटनगर प्ले अफमा पुगेको छ। दुई–दुई खेल जितेका काठमाडौं र विराटनगरको समान चार अंक थियो।
विराटनगरका लागि मोहम्मद जायद आलमले १० बलमा २४ रन बनाए। लोकेश बलमे ५ बलमा १३ रन बनाए। पुनित मेहराले १७ बलमा ३२ रन बनाए। नोमन खानले १९ बलमा ३४ रन बनाए। पुष्प थापाले ४ बलमा ११ रन बनाए।
यसअघि विराटनगरले टस जितेर फिल्डिङ रोजेपछि ब्याटिङमा आएको बुटवलले पूरा २० ओभर खेल्दै ८ विकेट जाँदा १ सय ३३ रन बनाएको हो।
ओपनिमा आएका अफ्ताबुद्धिन अहमद किशोर महतोको पहिलो बलमा नै विकेटकिपरमार्फत क्याच आउट भएका थिए। अर्का ओपनर शंकर राना १४ बल खेलेर २ रन हान्दा आउट भए।
तेस्रो क्रममा ब्याटिङमा आएका हर्ष टन्कले ४४ बलमा ६७ रन बनाए। उनले ६ चौका र ५ छक्का हाने। भिम सार्की ७ बलमा ५ रन हान्दा आउट भए। सिद्धान्त लोहनी २१ बलमा ११ रन बनाउँदा मोहम्मद जायद आलमको बलमा बोल्डआउट भए। रविन्द्र शाही २ बल खेलेर शून्यमै आउट भए। शिवम सिंह २६ बलमा ३७ रन बनाएर आउट भए।
विराटनगरका लागि मोहम्मद जायद आलमले चार, किशोर महतोले दुई साथै साहब आलम र दिपेश श्रेष्ठले एक–एक विकेट लिए।
बुटवल यसअघि नै चार खेलमा तीन खेले जितेर प्ले अफमा पुगिसकेको छ।
यसअघि पहिलो खेलमा विराटनगर धनगढीसँग ५ रनले पराजित भएको थियो। दोस्रो खेलमा पोखरालाई ४५ रनले हराएको विराटनगर तेस्रो खेलमा काठमाडौंसँग ३६ रनले हारेको थियो। चौथो खेलमा विराटनगर चितवनसँग १८ रनले हारेको थियो।
यस्तै पहिलो खेलमा काठमाडौंलाई सुपर ओभरमा हराएको बुटवल दोस्रो खेलमा चितवनसँग १ सय १९ रनले हारेको थियो। तेस्रो खेलमा पोखरालाई ८ विकेटले हराएको बुटवलले चौथो खेलमा धनगढीलाई ७ विकेटले हराएको थियो।
पाँच खेलमा पाँच खेल नै जितेको चितवन फाइनलमा पुगिसकेको छ। प्ले अफ खेल बिहीबार दिउँसो साढे १२ बजे विराटनगर र बुटवलबीच नै हुनेछ।
.JPG)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
