पोखरा- पोखरा प्रिमियर लिग (पिपिएल) क्रिकेटमा काठमाडौं गोल्डेन वारियर्सलाई ६० रनले हराउँदै चितवन राइनोज फाइनलमा पुगेको छ। चितवनले लिग चरणका पाँचै खेल जितेको हो।
हारपछि पनि प्ले अफमा पुग्ने काठमाडौंको सम्भावना बाँकी नै छ। लिग चरणको अन्तिम खेल विराटनगर र बुटवलबीच बुधबार हुनेछ।
पिपिएलमा पाँचमा पाँचै खेल जितेको चितवन १० अंकसहित अंक तालिकाको शीर्ष स्थानमा रहेर फाइनल पुगेको हो। चार खेलमा तीन खेल जितेको बुटवल ६ अंकसहित दोस्रो स्थानमा छ। बुटवल प्लेअफमा पुगिसकेको छ।
चार खेलमा दुई जित र तीन हारसहित काठमाडौं तेस्रो स्थानमा छ। पाँच खेल नै खेलिसकेको धनगढी २ जित र ३ हारसहित चौथो स्थानमा छ। चार खेल खेलेको विराटनगर १ जित र ३ हारहित पाँचौँ स्थानमा साथै ५ खेलमा १ खेल मात्र जितेको पोखरा पुछारमा छ।
यसअघि चितवनले पहिलो खेलमा पोखरालाई ६ विकेटले हराएको थियो। दोस्रो खेलमा बुटवललाई १ सय १९ रनले हराएको चितवनले तेस्रो खेलमा धनगढीलाई ५२ रनले हराएको थियो। चौथो खेलमा विराटनगरलाई १८ रनले हराएको थियो।
यस्तै पहिलो खेलमा पोखरासँग ९ विकेटले पराजित भएको काठमाडौं दोस्रो खेलमा बुटवलसँग सुपर ओभरमा हारेको थियो। तेस्रो खेलमा काठमाडौंले धनगढीलाई १ सय ६ रनले हराएको थियो। काठमाडौंले चौथो खेलमा विराटनगरलाई ३६ रनले हराएको थियो।
.JPG)
मंगलबार १ सय ६८ रनको लक्ष्य पछ्याएको काठमाडौं ओपनिङ ब्याटिङमा आएका दुवै ब्याट्सम्यान शून्यमै आउट हुँदा कमजोर हुन पुग्यो। पूरा २० ओभर खेलेर १ सय ७ रन बनाउँदा काठमाडौंले ९ विकेट गुमाएको थियो। जयकिशन कोल्सावाला दुई बल खेलेर करण केसीको बलमा क्याच आउट भए। अमित श्रेष्ठ चार बल खेलेर सन्नी पटेलको बलमा एलबिडब्लू आउट भए।
कप्तान ज्ञानेन्द्र मल्लले ३९ बलमा ४० रन बनाए। उनले ३ चौका र २ छक्का हानेका थिए। गौरव तमोरले ४ बलमा ६ रन बनाए। पवन सर्राफले १९ बलमा २७ रन बनाए। उनले ४ चौका १ छक्का हाने। पृथु बास्कोटाले २३ बलमा १८ रन हाने। दिपेश भण्डारीले ८ बलमा २ रन बनाए। १ बल खेलेका बसन्त रेग्मी शून्यमै आउट भए।
अमरसिंह रौटेलाले ८ बलमा ४ रन बनाए। चितवनका सन्नी पटेलले तीन विकेट लिए। रोहन मुस्तफाले दुई विकेट लिए। करण केसी, भुवन कार्की, रामनरशे गिरी र पारस खड्काले एक–एक विकेट लिए।
यसअघि पोखरा रंगशाला क्रिकेट मैदानमा टस जितेर काठमाडौंले फिल्डिङ रोजेपछि ब्याटिङमा आएको चितवनले पूरा २० ओभर खेल्दै ४ विकेट जाँदा १ सय ६७ रन बनाएको थियो। जसमा बाबर हयात र रोहन मुस्तफाको आक्रामक ब्याटिङ गर्दै अर्धशतक बनाए।
चितवनले नयाँ प्रयोग गर्दै ओपनिङ ब्याटिङमा रोहन मुस्तफासँगै करण केसीलाई पठाएको थियो। करणले ६ बल खेलेर १ रन मात्रै बनाए। मुस्तफाले ५२ बलमा अविजित ५९ रन बनाए। उनले ६ चौका १ छक्का हाने।
बाबर हयातले ४७ बलमा ७० रन बनाए। उनले ३ चौका ६ छक्का हानेका थिए। उनले मुस्तफासँग १ सय १९ रनको साझेदारी गरेका थिए। आरिफ शेखले ९ बलमा १ छक्कासहित १५ रन बनाए। शन्नि पटेलले ८ बलमा १५ रन बनाए। काठमाडौंका सुशन भारी, अमर सिंह रौटेला र बसन्त रेग्मीले एक–एक विकेट लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
