काबुल- अफगानिस्तानका राष्ट्रपति असरफ गनीले अफगानिस्तानमा हालै भएको निर्वाचनको प्रारम्भिक परिणाम स्वीकार गरेको बताइएको छ।
हालै सम्पन्न भएको राष्ट्रपतीय निर्वाचनको आइतबार सार्वजनिक भएको प्रारम्भिक परिणामको राष्ट्रपति असरफ गनीले स्वागत गरेको समाचारमा जनाइएको छ।
जनाइएअनुसार आइतबार सार्वजनिक भएको उक्त निर्वाचनको प्रारम्भिक परिणामलाई उनले निष्पक्ष भनेका छन्।
साथै उनले सो निर्वाचनका लागि अफगानिस्तानको निर्वाचन आयोगलाई धन्यवाद पनि दिएको काबुलबाट प्राप्त भएको समाचारमा जनाइएको छ।
सन् २००१ मा अफगानिस्तानबाट तालिबानको शासन हटेपछि चौथोपटक भएको राष्ट्रपतिको निर्वाचन गत सेप्टेम्बर २८ मा भएको थियो।
निर्वाचनमा अफगानिस्तानका हालका राष्ट्रपतिले ५०.६४ मत प्राप्त गरेका छन् भने अर्का प्रत्याशी अब्दुल्लाहले ३९.५२ प्रतिशत मत प्राप्त गरेका छन्।
तर सो निर्वाचनको प्रारम्भिक परिणाम भने झण्डै तीन महिनापछि आइतबार सार्वजनिक भएको बताइएको छ।
यो निर्वाचन परिणामले अफगानिस्तानलाई द्विविधाबाट राजनीतिक सहजतातर्फ लगेको प्रतिक्रिया राष्ट्रपति गनीले दिएको समाचारमा जनाइएको छ। -रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791799330.png)
-1786602170.png)
