१. भित्ताको लेखोट
भित्तामा खरीले लेखिएको थियो:
'उनीहरु युद्ध चाहन्छन्'
जुन मानिसले यो लेखेको थियो
ऊ पहिले नै धराशायी भइसकेको छ ।
२. माथि बस्नेहरुको भनाइ
माथि बस्नेहरुको भनाइ छ:
यो महानताको बाटो हो
जो तल गाडिएका छन्, उनीहरुको भनाइ छ:
यो बाटो चिहानको हो ।
३. जे बोल्छौ, त्यो सुन
शिक्षक, सधैं आफूलाई सही नभन
विद्यार्थीलाई त्यो कुरा आफैं महसुस गर्न देऊ
सत्य नथोपर:
सत्यको हकमा यो ठीक होइन
जुन कुरा बोल्छौ, त्यो सुन्ने पनि गर ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।