काठमाडौं– प्रधानमन्त्री केपी शर्मा ओलीले आफू नेतृत्वको सरकार जनतको इच्छा र चाहना पूरा गर्नको लागि बनेको बताएका छन्।
आज संसदमा विश्वासको मत लिनुअघि सम्बोधन गर्दै प्रधानमन्त्री ओलीले जनप्रतिनिधिहरुले पनि आफ्नो कार्यकाल सफल बनाउन पाउने बताए।
'राष्ट्रिय हित र स्वाभिमानलाई माथि उठाउने गरी काम गर्छौं', संसदमा प्रधामन्त्रीले भने।
चुनावका बेला आफूहरुले बोलेका प्रतिबद्धताहरु तलमाथि नहुने उनले वाचा गरे।
'देशमा परिवर्तन ल्याउन प्रधानमन्त्री भएको हुँ', प्रधानमन्त्री ओलीले भने, 'तपाईंहरुलाई साक्षी राखेर फेरि पनि बोल्नुपर्छ।'
आफूलाई जनताले दमनकारी शासक हुन जनताले नछानेको बताउँदै उनले आफू जनताको सेवक हुन चाहेको बताए।
उनले कांग्रेसलाई पनि आफूलाई मत दिन आग्रह गरे।
'प्रतिपक्षमा बसेर प्रधानमन्त्रीलाई विश्वासको मत दिन मिल्छ', उनले भने, 'प्रदेश २ मै त्यो अभ्यास भएको छ, एमाले र माओवादी सरकारमा छैनन् तर मुख्यमन्त्रीलाई विश्वासको मत दिएका छन्।'
कोही नेपाली भोकै मर्नु नपर्ने र गरिब बन्नु नपर्ने दिन मात्रै नेपाली हुनुमा गौरवबोध हुने प्रधानमन्त्रीले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
