बाँध, जलविद्युत् र इञ्जिनियरिङमा अमेरिकाले सहयोग गर्ने

ब्लग

नेपाल लाइभ शनिबार, फागुन २६, २०७४ ०३:२५

काठमाडौं- अमेरिकाले नेपाललाई बाँध, जलविद्युत् र इञ्जिनियरिङ क्षेत्रमा प्राविधिक सहयोग गर्ने भएको छ।

रक्षामन्त्री ईश्वर पोखरेल र नेपालका लागि संयुक्त राज्य अमेरिकाकी राजदूत एलाइना बी टेपलिजसँग भएको भेटमा नेपाल–अमेरिकाबीचको परस्पर सम्बन्ध र सहयोगबारे छलफल भएको हो।

सो अवसरमा मन्त्री पोखरेलले नेपालको बृहत्तर विकासका लागि अमेरिकाको निरन्तर सहयोग अपेक्षित रहेको बताउँदै सरकारले मित्रराष्ट्र अमेरिकासँग आपसी सहयोग र सम्बन्ध थप विकास र बिस्तार गर्न चाहेको स्पष्ट पारेको थियो। राजदूत टेपलिजले नेपालको राजनीतिक परिवर्तनको स्वागत गर्दै नेपालको शान्ति प्रक्रिया विश्वमा नै अनुकरणीय भएको र वर्तमान सरकारले आफ्नो कार्यकाल पूरा गरेर नेपालको राजनीति स्थिर हुनेमा आफू आशावादी रहेको उल्लेख गरिन्।

उनले नेपाली सेनाले विभिन्न किसिमका प्राकृतिक प्रकोपबाट पीडितको उद्धार गर्ने र संयुक्त राष्ट्रसंघ मातहत रहेर शान्ति कायम राख्ने कुरामा पुर्‍याएको योगदानको सराहना गरिन्। नेपाल–अमेरिकाबीच परस्पर सैनिक तालिमका माध्यमबाट दुवै देशको सैनिकको क्षमता अभिवृद्धि भएको बताउँदै नेपालमा बाँध, जलविद्युत् र अन्य इञ्जिनीयरिङ क्षेत्रमा प्राविधिक सहयोग प्रदान गरी क्षमता अभिवृद्धि गराइने पनि राजदूतले वचन दिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेको थुनछेक बहस सुरु

न्यूयोर्क टाइम्सको विश्वका घुम्नलायक स्थानको सूचीमा लुम्बिनी पनि

काठमाडौं अदालतमा रवि लामिछानेको थुनछेक बहस आजदेखि