मोरङ र सुनसरीमा सवारी दुर्घटना, २ जनाको मृत्यु

ब्लग

नेपाल लाइभ बिहीबार, फागुन २४, २०७४ ०३:०९

विराटनगर- मोरङ र सुनसरीमा भएको सवारी दुर्घटनामा परी दुई जनाको मृत्यु भएको छ। मोरङको मिक्लाजुङ गाउँपालिका–९ स्थित मधुमल्ला–उर्लाबारी सडक खण्डमा मे ८ प ७८५० नम्बरको मोटरसाइकल दुर्घटना हुँदा पछाडि बसेकी ४५ वर्षीया यशोदा पौडेलेको मृत्यु भएको हो।

दुर्घटनामा घाइते भएकी पौडेललाई उपचारका लागि अरनिको अस्पताल पुर्‍यायाइएको थियो। अस्पतालले तत्कालै उनलाई मृत घोषणा गरेको प्रहरीले जनाएको छ। सामान्य घाइते भएका मोटरसाइकल चालक उर्लाबारी नगरपालिका ७ का २६ वर्षीय दिनेश खड्काको सोही अस्पतालमा उपचार भएको इलाका प्रहरी कार्यालय मधुमल्लाले जनाएको छ।

यसैगरी, सुनसरीको इटहरी ५ बालग्राम पचरुखीमा बुधबार राति ना ६ ख ७०२६ नम्बरको ट्रकले को ३२ प ४०३३ नम्बरको स्कुटरलाई ठक्कर दिँदा इटहरी ५ का २३ वर्षीय रमित सिग्देलको मृत्यु भएको छ।

पश्चिम जाँदै गरेको ट्रकले स्कुटरलाई पछाडिबाट ठक्कर दिएको थियो। दुर्घटनामा गम्भीर घाइते भएका सिग्देलको उपचारका लागि विराटनगर लाने क्रममा राती ९ बजे मृत्यु भएको प्रहरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

विपिन जोशी सकुशल रहेको परराष्ट्रमन्त्रीको दाबी, फर्केर आउने आश्वासन

प्रयागराजमा महाकुम्भ मेला सुरु, ४० करोड सहभागी हुने अनुमान [तस्बिरहरु]

असङ्‌गठित श्रम क्षेत्रको सवाललाई लिएर गराइयो सरोकारवालाको ध्यानाकर्षण