हत्या आरोपमा चार पक्राउ

सुरक्षा/अपराध

नेपाल लाइभ शुक्रबार, मंसिर १३, २०७६ १६:०६

कञ्चनपुर- कञ्चनपुरको महाकाली नगरपालिका-३ चाँदनीका २२ वर्षीय दिपक पन्तको हत्या प्रकरणमा प्रहरीले चार जनालाई पक्राउ गरेको छ।

जिल्ला प्रहरी कार्यालय कञ्चनपुरले हत्या आरोपमा पक्राउ परेका भीमदत्त नगरपालिका-४का २० वर्षीय मनिष नाथ, २२ वर्षीय गणेश लुहार, २० वर्षीय रोनी भनिने नवीन सिंह र २२ वर्षीय विनोद बोहरालाई सार्वजनिक गरेको हो।

अभियुक्त चारै जनाले घटना स्वीकार गरेको जिल्ला प्रहरी कार्यालय कञ्चनपुरका प्रहरी नायब उपरीक्षक नरेन्द्र चन्दले बताए।

पन्तको बिहीबार छिमेकीको मोटरसाइलमा बुवा बिशनदत्त पन्तसँग आउँदै गर्दा भीमदत्त नगरपालिका-४ गोवरियास्थित सडकमा चारै जनाले दिपकसँग विवाद गरी कुटपिटसँगै चक्कु प्रहार गरेका थिए।

दिपकको उपचारका क्रममा मृत्यु भएको थियो। प्रहरीले घटनामा प्रयोग भएको चक्कु १ थान, से १ प ३७७८ नम्बरको मोटरसाइकल र म ३ प १०७० नम्बरको स्कुटर बरामद गरेको छ। -रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सांसद माया राईविरूद्ध ३७ लाख ३५ हजार बिगाेसहित पुरक अभियाेजनमार्फत मुद्दा दायर

शान्तिपूर्ण आन्दोलन भड्काउने काम नहोस् : कमल थापा

सगरमाथा संवादमा १७५ विदेशी विशिष्ट पाहुना सहभागी हुने