बाढीपीडित ४२५ परिवारलाई ४० लाख बराबरको राहत सामग्री वितरण

ब्लग

नेपाल लाइभ बुधबार, असोज ४, २०७४ १०:३९

नेपालगञ्ज- बाढीपीडित ४ सय २५ परिवारलाई नेपाल ग्रामीण पुनर्निर्माण संस्थाले करिब ४० लाख बराबरको राहत सामग्रीहरु वितरण गरेको छ। विस्थापित भई आफन्त तथा नजिकैको जंगलमा कष्टपूर्ण अवस्थामा बस्दै आएका बाँकेको राप्ती सोनारीस्थित फत्तेपुर र बिनौनाका पीडितलाई राहत सामग्री दिइएको हो।

ग्लोबल मेडिक र मुस्लिम एडको सहयोगमा पीडितलाई त्रिपाल, झुल, कम्बल, साबुन, खाना पकाउने भाडाहरु सहितका सामग्रीहरु वितरण गरिएको हो।

जिल्ला दैवी प्रकोप उद्धार समितिसँग समन्वय गरेर बाँके जिल्लाका गैर सरकारी संघसंस्थाले ४ सय २५ परिवारलाई वितरण गरिएको आरआरएनका क्षेत्रीय संयोजक विकास चौधरीले बताए।

करिब ६ सय ५० परिवार विस्थापित भई जंगलको किनारामा टहरा बनाएर बस्दै आएका छन्। झुल, कम्बल र त्रिपाल जस्ता सामग्रीले बाढी प्रभावितहरुको जीवन केही सहज हुने राप्ती सोनारी गाउँपालिकाका प्रमुख लाहुराम थारुले बताए।

यो वर्ष आएको बाढीबाट बाँकेका १ हजार ३ सय घरमा पूर्ण रुपमा क्षति पुगेको छ। ६ हजार १ सय १६ विस्थापित भई बस्ती नजिकको जंगलमा बस्दै आएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप: अस्ट्रेलियाले नेपाललाई दियो १४० रनको विशाल लक्ष्य

भारतमा भएको सडक दुर्घटनामा १३ जनाको मृत्यु

आमा समूहलाई नौमती बाजा बजाउन भ्याइनभ्याइ