विप्लव माओवादीका कार्यकर्ताद्वारा सरकारी गाडीमाथि तोडफोड

ब्लग

नेपाल लाइभ मंगलबार, असोज ३, २०७४ १७:३६

पोखरा- नेत्रविक्रम चन्द 'विप्लव' नेतृत्वको नेपाल कम्युनिस्ट पार्टीका कार्यकर्ताले एक सरकारी गाडीमाथि तोडफोड गरेका छन्।

मंगलबार दिउँसो पोखरा लेखनाथ महानगरपालिकाको वडा नम्बर ८ रत्नचोकमा रोकिराखेको बा १ झ ९६२२ नम्बरको सरकारी गाडीलाई नेकपाका कार्यकर्ताले तोडफोड गरेका हुन्।

नेकपा गण्डक ब्यूरोले प्रहरीले पक्राउ गरी विस्फोटक पदार्थ ओसारपसार सम्बन्धी मुद्दा खेपिरहेका आफ्ना पाँच नेता-कार्यकर्ता रिहाइको माग गर्दै पहिलो चरणको आन्दोलनअन्तर्गत बुधबारसम्म पोखरामा सरकारी सवारीसाधन चल्न नदिने घोषणा गरेको थियो।

पोखराको पृथ्वीचोकस्थित सस्तोबजारमा सिलिन्डर बम राखेको अभियोगमा प्रहरीले नेकपाका जिल्ला सेक्रेटरी नन्दलाल तिवारी, सदस्य सोमनाथ अधिकारी, बालकृष्ण अधिकारी, गोविन्द ओली, लोकेन्द्र राई र काशी पौडेललाई पक्राउ गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुनाफा आर्जनलाई निरन्तरता दिँदै राष्ट्रिय वाणिज्य बैंक

यी हुन् मन्त्रिपरिषदका १५ निर्णय

५२ अंकले बढ्यो नेप्से , ९ अर्ब माथिको कारोबार