उदयपुर - राष्ट्रपति विद्यादेवी भण्डारीले उद्योग क्षेत्रको विकास जोड दिएकी छिन्। देशमा उद्योग नहुँदा बेरोजगारी समस्या बढेको र युवाहरु बैदेशिक रोजगारीका जाँदा त्यसलाई ठुलो घाटा भएको भन्दै औद्योगिक क्षेत्र विस्तार गरेर स्वेदशमै रोजगारीको सिर्जनामा जोड दिएकी हुन्।
उदयपुरको कटारी स्थित श्री त्रिवेणी मावि कटारीको स्थापना भएको ५० वर्ष भएको अवसरमा आयोजित स्वर्ण महोत्सवको समापन गर्दै भण्डारीले मंगलबार यस्तो बताएकी हुन्।
उदयपुरको कटारीबाट पहाडी क्षेत्रमा जाने सडकको स्तरोन्नती गर्नुपर्नेमा जोड दिइन्। स्वर्ण महोत्सवमा निर्माण गरिएको स्वर्ण स्तम्भ अनावरण र स्मारिका विमोचन गर्दै उनले जननिर्वचित संस्थाहरु गठन भईसकेकाले संविधानको आत्मसात गर्दै समृद्ध नेपालको निर्माण अभियान अघि बढाउन जोड दिइन्।
प्राकृतिक स्रोतसाधनको धनि देश भएपनि यसको समुचित व्यवस्था नहुँदा मुलुक समृद्ध हुन नसकेको बताउँदै शिक्षाको क्षेत्रबाट स्रोतसाधनको वैज्ञानिक व्यवस्थापन गर्नुपर्नेमा उनको जोड छ। राष्ट्रपति भण्डारीले राष्ट्रको ठुलो लगानी शिक्षा क्षेत्रमा भएकाले यसको वैज्ञानिक व्यवस्थापन, गुणस्तरीयता र आवश्यक सुधारको खाँचो रहेको औल्याएकी छिन्।
प्राविधिक शिक्षामा जोड दिँदै भण्डारीले उद्योग कलकारखाना, कृषि क्षेत्रको विकास गरी आबश्यक जनशक्ति उत्पादन गर्दै वेरोजगारी समस्याको समाधान गर्नु पर्ने बताईन्।
त्रिवेणी क्षेत्रका खनिज पर्दाथ, जलस्रोतको अधिकतम प्रयोग, कच्चा पर्दाथको औधौगिकरण तथा उदयपुर सिमेण्ट उद्योगको उचित व्यवस्थापन र सुधार गरी जिल्लाको विकास निर्माणलाई अगाडी बढाउनु पर्नेमा राष्ट्रपति भण्डारीको जोड थियो।
प्रदेश नम्बर १ प्रदेशका मुख्य मन्त्री शेरधन राईले हिमाल पहाड र तराईले जोडिएको उर्बर भुमि प्रदेश नम्बर १ लाई बनाउने जिम्मेवारी काँधमा आएको बताए।
मुख्यमन्त्री राईले मुलुक यतिबेला नयाँ युग, नयाँ एजेण्डा लिएर अघि बढिसकेकाले सानातिना समस्यालाई तेस्राएर समृद्ध नेपाल निर्माणको यो महाअभियानलाई अवरोध नगर्न सबैलाई आग्रह गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
