बुटवल- झट्ट सुन्दा कतिपयलाई विश्वास नलाग्न सक्छ, हरेक वर्ष नेपालमा सवारी दुर्घटनाका कारण झन्डै २ हजार जनाको मृत्यु हुने गरेको छ। विभिन्न सडक दुर्घटनामा परी बर्सेनि करिब २० हजार घाइते अपांग भएर बाँच्न बाध्य हुन्छन् भने ४० अर्ब रुपैयाँ दुर्घटनाबापत विभिन्न क्षेत्रमा खर्च हुने गरेको छ।
सवारी दुर्घटना न्युनीकरण सम्बन्धी पर्याप्त छलफल, अन्तरक्रिया तथा सचेतनाको अभावका कारण दुर्घटना न्युनीकरण हुन नसकेको सरोकारवालाको गुनासो छ। उनीहरुले दुर्घटना न्युनीकरणका लागि विशेष सचेतना अभियान नै सञ्चालन गर्नुपर्ने कुरामा जोड दिएका छन्।
सुरक्षित यात्रा नेपालद्वारा बुटवलमा आयोजित सुरक्षित यात्रा सचेतना पुस्तिका विमोचन तथा सवारी दुर्घटना न्युनीकरणमा सरोकारवालाको भूमिका विषयक अन्तरक्रिया कार्यक्रमका वक्ताहरुले सबै गम्भीर भएर सचेतना अभियानमा नलागेसम्म दुर्घटना न्युनीकरण सम्भव नहुने बताए।
नेपाली कांग्रेसका केन्द्रीय सदस्य तथा पूर्वमन्त्री बालकृष्ण खाँणले सवारी दुर्घटनाको क्षति युद्धको भन्दा पनि बढी भएकोले यसको न्युनीकरणका लागि सामूहिक पहल आवश्यक भएको बताए। पहिलो तथा दोस्रो विश्वयुद्धमा भन्दा दैनिक दुर्घटनाका कारण मानवीय तथा अन्य क्षति भइरहेको भन्दै उनले यसको न्युनीकरणका लागि राज्यले तत्काल ध्यान पुर्याउनुपर्नेमा जोड दिए। संसद बैठक सुरु भएपछि यो विषयलाई आफूले सार्वजनिक महत्वको प्रस्तावका रुपमा दर्ता गराउने र सबैको ध्यानाकर्ष गर्ने उनको भनाइ छ।
दुर्घटनाका कारण वार्षिक ४० अर्ब आर्थिक क्षति हुने जानकारी दिँदै उनले उक्त रकमले गौतम बुद्ध विमानस्थल जस्ता ४ वटा विमानस्थल निर्माण हुन सक्ने तुलना पेश गरे।
दुर्घटनाको ७० प्रतिशत कारण चालक भएको निष्कर्ष ट्राफिक प्रहरीको रिपोर्टले देखाएको छ। पश्चिमाञ्चल क्षेत्रिय ट्रफिक प्रहरी कार्यालय बुटवलका प्रमख कृष्णहरि शर्माले दुर्घटना न्युनीकरणका लागि हरेक नागरिक जिम्मेवार भएर लाग्नुपर्नेमा भन्दै सबै पक्षको सहकार्यमा यो सम्भव हुने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
