विराटनगर– अनौपचारिक क्षेत्र सेवा केन्द्र (इन्सेक) विराटनगरले मानव अधिकार वर्ष पुस्तक २०१८ सार्वजनिक गरेको छ।
प्रजातन्त्र दिवसको अवसरमा सोमबार विराटनगरमा आयोजित विशेष कार्यक्रममा उच्च अदालत विराटनगरका न्यायाधीश थिरबहादुर कार्की र इन्सेक महासचिव रमेशचन्द्र पौडेलले संयुक्त रुपमा पुस्तक सार्वजनिक गरे।
पुस्तकमा सन् २०१७ मा देशभर मारिएकाको संख्या र पीडक पक्ष गरी दुई सय ५५ वटा घटनाको अभिलेख छ। जसमा राज्य पक्षबाट ११, गैरराज्य पक्षबाट दुई सय ४४ वटा मानव अधिकार उल्लंघनका घटना भएको उल्लेख गरिएको छ। ०७३ पुसदेखि ०७४ पुसभित्रमा एक वर्षको अवधिमा प्रदेश एकमा ६ सय ९४ जना, दुईमा ८ सय ३६ जना, तीनमा ८ सय १२ जना, चारमा ९ सय ५ जना, पाँचमा १७ सय ५१ जना, ६ मा ५ सय १६ जना र सातमा ५ सय ४५ जना गरी जम्मा ६ हजार ५९ जना पीडित भएका छन्।
इन्सेकले उत्कृष्ट मानवअधिकार अनुगमन र प्रलेख कार्य गरेको भन्दै प्रदेश नम्बर १ बाट मोरङकी इन्दिरा भट्टराई र प्रदेश नम्बर २ बाट सप्तरीका मनोहरकुमार पोखरेललाई सम्मान गरिएको छ। सम्मानित प्रतिनिधिद्वयलाई न्यायाधीश कार्की, इन्सेक महासचिव रमेशचन्द्र पौडेल, प्रहरी अतिरिक्त महानिरीक्षक पशुपति उपाध्याय लगायतले नगद सात हजार, प्रशंसापत्र, दोसल्लासहित सम्मान गरे।
पोखरेल २०७० सालमा सर्वोत्कृष्ट प्रतिनिधिका रुपमा सम्मानित भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
