दक्षिण कोरिया- माओवादी केन्द्र-नेकपा एमाले माउ पार्टीहरु एकताको प्रक्रियामा रहँदै गर्दा यसका प्रवासी संगठनहरु पनि एकिकरणको तयारीमा जुटेका छन्।
कोरियामा क्रियाशील दुई पार्टिका छुट्टाछुट्टै संगठनहरु प्रवासी नेपाली मञ्च दक्षिण कोरिया र नेपाली जनप्रगतिशिल मञ्च दक्षिण कोरियाले संयुक्त विज्ञप्ति निकाल्दै आगामी दिनमा एउटै संगठनको रुपमा अगाडि बढ्ने संकेत गरेका हुन्।
दुई संगठनका अध्यक्षद्धारा हस्ताक्षरित विज्ञप्तिमा आगामी दिनमा कार्यक्रम गर्दा सँगै गर्ने जनाइएको छ।
कोरियाको राजधानी सोउलमा भएको भेलामा दुवै संगठनका अध्यक्षहरुको नेतृत्वमा संगठनका नेताहरु सहभागी थिए। भेलामा प्रवासी नेपाली मञ्चको तर्फबाट केन्द्रीय अध्यक्ष परशुराम सापकोटा, केन्द्रीय सल्लाहकारहरु गोविन्द गाउँले, सिर्जना नेपाली, केन्द्रीय उपाध्यक्ष लाल साउद, महासचिव श्रमदीप चौलागाई, बुसान कमिटीका सल्लाहकार मीनराज पोख्रेल लगायत पदाधिकारी तथा सदस्यहरु समेत सहभागी थिए।
त्यसैगरी नेपाली जनप्रगतिशिल मञ्चबाट केन्द्रीय अध्यक्ष खगेन्द्र बुढामगर, उपाध्यक्ष ईश्वर कठायत, महासचिव नवीन गुरुङ लगायत केन्द्रीय पदाधिकारी तथा सदस्यहरु समेत भेलामा उपस्थित थिए।
उक्त भेटघाट कार्यक्रमले दुवै संगठनबीच भावनात्मक एकतालाई थप मजबुत बनाएको श्रमदीप चौलागाईले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
