सल्लेरी, सोलुखुम्बु- सगरमाथा राष्ट्रिय निकुञ्ज क्षेत्रमा लागेको डढेलो नियन्त्रणमा आएको छ।
बिहीबारदेखि लागेको डढेलो शुक्रबार साँझ नियन्त्रणमा आएको लुक्ला प्रहरी चौकीका प्रहरी नायब निरीक्षक यादव खड्काले जानकारी दिए। घरमा लागेको आगो जंगलमा सल्कँदा ७ हजार वर्गमिटर वन क्षेत्रमा क्षति पुगेको छ।
आगोका कारण निकुञ्ज क्षेत्रअन्तर्गत पर्ने दूधकुण्ड सामुदायिक वन, चौँरीखर्क मध्यवर्ती क्षेत्रसहित वन जलेर नष्ट भएको उनले बताए। स्थानीय बासिन्दा, नेपाली सेना, नेपाल प्रहरी तथा पैदलयात्रीको निरन्तरको प्रयासपछि आगो नियन्त्रणमा आएको हो। डढेलोका कारण के–कति वन्यजन्तुमा क्षति पुग्यो भन्ने विवरण आइनसकेको प्रनाउ खड्काले बताए।
बिहीबार अपराह्न १ः१५ बजे काल्देनवाङ्छु शेर्पाको घरमा आगलागी हुँदा घर नजिकै रहेको वनमा आगो सल्किएको थियो। आगलागीका कारण शेर्पाको पूरै घर र घरमा रहेको १० तोला सुन, काँस, तामा लगायतका सामग्री नष्ट हुँदा करिब रु डेढ करोड बराबरको क्षति भएको प्रहरी नायब निरीक्षक खड्काले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
