मोरङका ३ स्थानमा सवारी दुर्घटना : एकको मृत्यु, ५ घाइते

ब्लग

नेपाल लाइभ शनिबार, फागुन ५, २०७४ १०:०३

विराटनगर- मोरङका तीन स्थानमा भएको सवारी दुर्घटनामा शुक्रबार एक जनाको मृत्यु भएको छ भने ५ जना घाइते भएका छन्।

बुढीगंगा गाउँपालिका–३ मा राति १० बजे भारतीय एनएल–०१–डि–२३६९ नम्बरको ट्रकले बा१०च ८२१७ नम्बरको कारलाई ठक्कर दिँदा कारमा रहेका सुनसरीको दुहबी नगरपालिका–४ का २५ वर्षीय प्रज्ज्वल दाहालको मृत्यु भएको हो। गम्भीर घाइते भएका दुहबी ५ का २६ वर्षीय विकास भण्डारीको नोबेल अस्पताल विराटनगरमा उपचार भइरहेको १ नम्बर प्रदेश प्रहरी कार्यालय विराटनगरले जनाएको छ।

यस्तै, बुढीगंगा गाउँपालिका ५ कोसी राजमार्गमा को २९ प ४१७१ र को ६ प ९५७५ नम्बरको मोटरसाइकल ठोक्किँदा दुई जना घाइते भएका छन्।

दुवै मोटरसाइकलका चालक बुढीगंगा गाउँपालिका १ बस्ने ३५ वर्षीय विष्णु खड्का र सुनसरी दुहबी नगरपालिका ३ का २० वर्षीय जुबेल राई घाइते भएको इलाका प्रहरी कार्यालय निमुवाले जनाएको छ। दुवैको विराट नर्सिङ होममा उपचार भइरहेको छ।

यसैगरी, विराटनगर महानगरपालिका–१९ मिलन चोकमा राति साढे १० बजे को ३२ प ८९९६ नम्बरको स्कुटर र ना २ प ९३९ नम्बरको मोटरसाइकल ठोक्किँदा स्कुटरमा सवार ग्रामथान गाउँपालिका–२ झोराहाटका २७ वर्षीय दिनेश तामाङ र ३५ वर्षीय मदन बिष्ट घाइते भएको प्रहरीले जनाएको छ। दुवैको नोबेल अस्पताल विराटनगरमा उपचार भइरहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति