दुई वर्षीया बालिका बलात्कृत, १३ वर्षीय बालक पक्राउ

ब्लग

नेपाल लाइभ शनिबार, फागुन ५, २०७४ ००:३४

राजविराज– दुई वर्षीया बालिकालाई बलात्कार गरेको आरोपमा सप्तरीका १३ वर्षीय एक बालक पक्राउ परेका छन्। पीडित बालिकाका अभिभावकको मौखिक उजुरीका आधारमा सप्तरी प्रहरीले बालकलाई पक्राउ गरेको हो।

पीडित परिवारका अनुसार अनुसार बिहीबार बिहान आँगनमा खेल्दै गरेकी बालिका अचानक रुँदै आएपछि घटनाबारे जानकारी भएको थियो। बालिकाले असहज महसुस गरेको र संवेदनशील अंगमा रगत समेत देखिएपछि आफूले प्रहरीलाई खबर गरेको बालिकाकी आमाले बताइन्। उनी बालिकालाई बोकेरै प्रहरी कार्यालयमा पुगेकी थिइन्।

स्थानीय प्रहरी कार्यालयले घटनाबारे जिल्ला प्रहरी कार्यालयलाई जानकारी गराएर बिहीबार साँझ नै बालकलाई पक्राउ गरेको हो। उनलाई जिल्ला प्रहरी कार्यालयमा राखिएको छ।

सप्तरीका एसपी मुकेशकुमार सिंहले बालकलाई नियन्त्रणमा लिइएको पुष्टि गर्दै घटनास्थलको मुचुल्का गर्ने तथा बालिकाको मेडिकल चेकजाँच गर्ने कार्य भइरहेको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज