काठमाडौं- अखिल नेपाल फुटबल संघ (एन्फा) ले घोषणा भएर दिन बाँकी रहेका पुरस्कार वितरण गरेको छ। एन्फाले एकैदिन झण्डै ७१ लाख ३० हजारभन्दा बढी रकमसँगै ७ वटा मोटरसाइकल र ४ वटा स्कुटर बाँडेको हो।
विश्वकप छनोटको दोस्रो चरण अन्तर्गत अस्ट्रेलिया र जोर्डनसँग खेल्ने नेपाली टोलीको बिदाइ कार्यक्रममा एन्फाले पुरस्कार वितरण गरेको हो। जसमा राष्ट्रिय खेलकुद परिषद (राखेप) का सदस्य सचिव रमेश सिलवाल र एन्फा अध्यक्ष कर्माछिरिङ शेर्पासहितका पदाधिकारी पनि सहभागी थिए।
‘केही समयदेखि बाँकी रहेका सबै पुरस्कार हामीले वितरण गरेका छौँ। अहिले एन्फा आर्थिक रुपमा बलियो भइसकेको छैन तर पनि हामीले बोलेको कुरा पूरा गरेका छौँ, घोषणा हुने तर पुरस्कार नपाउने व्यवस्थाको अन्त्य भएको छ’ कार्यक्रममा एन्फा अध्यक्ष शेर्पाले बताए।
उनले यसो भने पनि दुई वर्षअघि भुटानमा भएको यु १८ साफ च्याम्पियनसिप जितेको टोलीले भने पुरस्कार अझै पाएका छैनन्। भर्खरे नेपालमा नै भएको यु १८ साफमा भने समूह चरणबाट बाहिरिएको नेपाली टोलीका खेलाडीले पनि जनही १० हजार रुपैयाँ पुरस्कार पाए।
गएको वर्ष भएको ‘ए’ डिभिजन लिग फुटबल प्रतियोगिताका उत्कृष्ट खेलाडीहरुलाई पनि मंगलबार नै पुरस्कार दिइएको थियो। यस्तै एन्फा दिवसका अवसरमा घोषणा भएका पुरस्कार पनि वितरण गरिएको छ।
विश्वकप छनोटमा चाइनिज ताइपेइलाई हराएका टिमको खेलाडीलाई जनही २५ हजार रुपैयाँका दरले दिइएको छ।
भारतको कलकत्तामा सम्पन्न साफ यु १५ मा उपविजेता टोलीलाई जनही २५ हजार रुपैयाँ, नादेझ्दा कपमा दोस्रो भएको महिला राष्ट्रिय टोलीलाई जनही ५० हजार रुपैयाँका दरले दिइएको छ।
.jpg)
कसले कति पाए पुरस्कार ?
गएको वर्षको सर्वोत्कृष्ट पुरुष खेलाडी – जुमानु राई, १५ लाख रुपैयाँ
गएको वर्षकी सर्वोत्कृष्ट महिला खेलाडी – अनु लामा, १५ लाख रुपैयाँ
पूर्व प्रशिक्षक भागिरथ आले (लाइफ टाइम अचिभमेन्ट अवार्ड) – ३ लाख ५० हजार रुपैयाँ र एउटा मोटरसाइकल
सर्वोत्कृष्ट प्रशिक्षक हरि खड्का – १ लाख रुपैयाँ र एउटा मोटरसाइकल
विदेशी क्लबबाट नेपाल चिनाएका कारण रोहित चन्द र किरण कुमार लिम्बुलाई – १/१ लाख रुपैयाँ
उदयमान महिला खेलाडी मन्जली कुमारी योन्जन – १ लाख रुपैयाँ र एउटा स्कुटर
उदयमान पुरुष खेलाडी अभिषेक रिजाल – १ लाख रुपैयाँ र एउटा स्कुटर
सर्वश्रेष्ठ महिला रेफ्री अस्मिता मानन्धर – १ लाख रुपैयाँ र एउटा स्कुटर
सर्वश्रेष्ठ पुरुष रेफ्री लव खत्री – १ लाख रुपैयाँ र एउटा स्कुटर
उत्कृष्ट क्लब मनाङ मस्र्याङ्दी क्लब – १ लाख रुपैयाँ
उत्कृष्ट जिल्ला मोरङ जिल्ला फुटबल संघ – १ लाख रुपैयाँ
.jpg)
‘ए’ डिभिजन लिगका उत्कृष्टहरु
गोलकिपर बिशाल श्रेष्ठ – ५० हजार रुपैयाँ र एउटा मोटरसाइकल
डिफेन्स रन्जित धिमाल – ५० हजार रुपैयाँ र एउटा मोटरसाइकल
मिडफिल्डर हेमन गुरुङ – ५० हजार रुपैयाँ र एउटा मोटरसाइकल
फरवार्ड भरत खवास – ५० हजार रुपैयाँ र एउटा मोटरसाइकल
प्रशिक्षक सुमन श्रेष्ठ – ५० हजार रुपैयाँ र एउटा मोटरसाइकल
प्रतिभावान युवा खेलाडी विकास खवास – १ लाख रुपैयाँ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775660703.png)
-1764146706.png)
-1775575666.png)
