काठमाडौं- अफगानिस्तानमा शनिबार नयाँ राष्ट्रपतिका लागि निर्वाचन सम्पन्न भएको छ।
मतदानका समयमा केही स्थानमा आक्रमण भएको थियो। मतदान केन्द्रमा भएको आक्रमणबाट चार जनाले ज्यान गुमाए भने ८० जना घाइते भएका छन्।
तालिवानले चुनावको समयमा मतदान केन्द्रलाई निशाना बनाउने धम्की दिएको थियो।
यो धम्कीका कारण मतदान केन्द्रमा कडा सुरक्षा व्यवस्था गरिएको थियो। सुरक्षाका लागि ७० हजार जवान परिचालन गरिएको थियो।
मतदानस्थलमा भेटिएका एक महिलाले अफगानिस्तान भोटिङबाट बहादुरी परिभाषित गरिएको बताइन्।
पाँच वर्षअघि भन्दा यो पटक कम मत खसेको छ।
केही मानिसले भोट हाल्नुभन्दा घरमै बस्न सुरक्षित सम्झेपछि यो पटक कम प्रतिशत मत खसेको हो।
राष्ट्रपति असरफ गनीले मतदानपछि तालिवानसँग जनताको छनौटलाई सम्मान गर्न र अहिलेसम्म चलेको युद्ध अन्त्य गर्न अपिल गरेका छन्।
केही क्षेत्रमा मतदानका लागि मानिस लामो समयसम्म पर्खेका थिए।
यसरी मानिसको उत्साह देखेपछि निर्वाचन आयोगले भोटिङका लागि दुई घन्टा समय थपेको थियो।
चुनावी मैदानमा १६ उम्मेवार छन्। तर मुख्य प्रतिस्पर्धा भने असरफ स्नी र चिफ एक्जुक्युटिभ अब्दुल्लाह अब्दुल्लाहको बीचमा हुने बताइएको छ।
२०१४ मा भएको एक सम्झौताअनुसार यी दुवै नेता सत्ता साझेदार भएका थिए।
भोट दिनका लागि आइपर्ने विभिन्न चुनौती स्वीकार गर्दै महिला निस्किएका थिए।
अफगानिस्तानको दक्षिणी शहर कन्धारको एक मतदान केन्द्रमा बम हमला भएको थियो।
तर आक्रमण भएको यो मतदान केन्द्रमा महिला त्यसलाई चुनौती दिँदै लाइनमा लागेका देखिन्थे।
अफगानिस्तानमा करिब ९६ लाख सूचीकृत मतदाता छन्।
यसमा महिलाको संख्या ३५ प्रतिशत छ। तालिबानको धम्की र मतदान केन्द्रमा भएको हिंसाका वाबजुद पनि महिलाको उत्साह कम देखिएको थिएन।
अफगानिस्तानको राजधानी काबुल निवासी डा रोया जहागीरले अहिले भइरहेको अवस्थाप्रति आक्रोश व्यक्त गरे।
‘अफगानिस्तानमा जब कोही आफ्नो मत दिन साहस देखाउँछ भने उसको बहादुरीको प्रशंसा हुन्छ,' उनले भने, ‘हामी विश्वास गर्छौ। यो पटक कुनै धोका हुने छैन, नत्र एक पटक फेरी जनताले आफू ठगिएको महसुस गर्ने छन्।’
मतदाता केन्द्रमा बसेर लाइन लागेका मतदाताहरुले अफगानिस्तान बर्बाद हुँदै भएको भन्दै चिन्ता व्यक्त गरेका थिए।
विगत चार दशकदेखि अफगानिस्तान र तालिवानलगायतका संगठनबीच संर्घष भइरहेको छ।
आन्तरिक संर्घषबाट प्रत्येक वर्ष हजारौं मानिसले ज्यान गुमाएका छन्।
अमेरिकले तालिवानसँग जारी संर्घष अन्त्य गर्नका लागि वार्ता पनि गरिरहेको छ।
निर्वाचनको मतदानस्थलमा खटिएका मतदाताको एउटै भनाई छ- अगाामी दिनमा आन्तरिक संर्घष अन्त्य होस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
