ट्र्याक्टरको ठक्करबाट २ वर्षीय बालकको मृत्यु, आमा गम्भीर घाइते

ब्लग

नेपाल लाइभ बुधबार, फागुन २, २०७४ १०:३१

गौशाला- महोत्तरीको लोहारपट्टी नगरपालिकामा ट्र्याक्टरले बाटो काट्दै गरेका आमाछोरालाई ठक्कर दिँदा छोराको मृत्यु भएको छ भने आमा गम्भीर घाइते भएकी छिन्।

जिल्ला प्रहरी कार्यालय, महोत्तरीका प्रहरी उपरीक्षक कुवेर कडायतका अनुसार मंगलबार साँझ करिब ७ बजे लोहारपट्टी नगरपालिका–१ बगरा बस्ने उर्मिला यादव र उनका छोरा दुई वर्षीय आयुष यादवलाई आफ्नै घर अगाडि बाटो काट्दै गरेका बेला ट्र्याक्टरले ठक्कर दिएको थियो।

लोहारपट्टी बजारबाट जनकपुर जाँदै गरेको ज १ त ९१७३ नंको ट्र्याक्टरको ठक्करबाट छोरा आयुषको घटनास्थलमै मृत्यु भएको थियो।

सोही दुर्घटनामा परी गम्भीर घाइते भएकी आमा उर्मिला यादवको जनकपुर अञ्चल अस्पतालमा उपचार भइरहेको प्रहरी उपरीक्षक कडायतले बताए।

दुर्घटनापश्चात् प्रहरीले ठक्कर दिने ट्र्याक्टर र चालकलाई नियन्त्रणमा लिएको छ भने घटनाबारे थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

खानेपानी तथा सरसफाइको क्षेत्रमा सहयोग गर्न युनिसेफलाई खानेपानीमन्त्री यादवको आग्रह

नाइजेरियामा सडक दुर्घटनामा कम्तीमा ३२ जनाको मृत्यु

सांसद चौधरीविरुद्धको रिट खारेज