डाँका मुद्दामा ६ वर्ष जेल सजाय सुनाइएका फरार मंसुरी समातिए

सुरक्षा/अपराध

नेपाल लाइभ मंगलबार, भदौ ३१, २०७६ १६:१९

काठमाडौं– डाँका मुद्दामा ६ वर्ष जेल सजाय सुनाए पश्चात फरार भएका एक व्यक्तिलाई जिल्ला प्रहरी कार्यालय सिरहाले पक्राउ गरेको छ।

पक्राउ पर्नेमा सिरहाको कर्जन्हा नगरपालिका–२ का ५२ वर्षीय मो. भोला मंसुरी छन् । उनलाई इलाका प्रहरी कार्यालय बन्दिपुरबाट खटिएको प्रहरी टोलीले सोमबार साँझ बन्दिपुरबाटै पक्राउ गरेको हो ।

पक्राउ परेका उनलाई इलाका प्रहरी कार्यालय मिर्चया ल्याई फैसला कार्यान्वयनका लागि जिल्ला अदालत पेश गरिएको प्रहरीले जनाएको छ ।

सिरहा चन्द्र उदयपुर वस्ने रहमत राई र सोही ठाउँका जमाहिर मियाले मंसुरीविरुद्ध डाँका मुद्दामा किटानी जाहेरी दिएका थिए । उनीहरुको घरमा २०६९ साउन २ गते मंसुरीसहितको समूहले डाँका गरेको थियो ।

जिल्ला अदालत सिरहाले २०७१ वैशाख ३० गते उनीविरुद्ध ६ वर्ष कैद र १ लाख ८० हजार रुपैयाँ जरिवानाको फैसला सुनाएको थियो । त्यसपछि फरार रहेका उनी ५ वर्षपछि पक्राउ परेका हुन् ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सत्य निरुपण र बेपत्ता आयोगका पदाधिकारी नियुक्त

बेरूजु निरन्तर बढ्दो, राजस्व छुटको तथ्याङ्क संसद्मा पेस गरेर पारदर्शिता कायम गर्न सुझाव

विद्यालयमा हाजिरीविनै दिवा खाजामा २७ करोड खर्च