अछाम- जिल्लाको बान्नीगढी जयगढ गाउँपालिका–६ दर्नास्थित जयकृष्ण ओझाको एकतले घरमा गएराति आगलागी भएको छ।
पत्थरले छाएको २ कोठे घरमा आगलागी भएपछि खाद्यान्न, लत्ताकपडा, नगद, भाँडाकुडासहित सबै सामान जलेर नष्ट भएको स्थानीय खेमराज ओझाले जानकारी दिए।
आगलागीबाट नगदसहित ३ लाखभन्दा बढीको नोक्सानी भएको पीडित ओझाको भनाइ छ।
राति घरमा कोही नबसेको र त्यहाँ आगो पनि नबालिएको अवस्थामा आगलागी भएकाले घटना रहस्यमय बनेको छ। आगलागीबारे प्रहरी चौकी जयगढको टोली घटनास्थल पुगेर मुचुल्का तयार गरी आवश्यक अनुसन्धान थालेको जिल्ला प्रहरी कार्यालय अछामका निमित्त प्रमुख प्रहरी निरीक्षक कर्णबहादुर बमले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
