पाँच हजार कर्मचारीले सम्पत्ति विवरण बुझाएनन्

ब्लग

नेपाल लाइभ आइतबार, असोज १, २०७४ १३:१९

काठमाडौं- चालु आर्थिक वर्षमा पाँच हजार कर्मचारीले सम्पत्ति विवरण नबुझाएको पाइएको छ।

४६ हजार ८ सय ९५ मध्ये चार हजार ८ सय १२ कर्मचारीले सम्पत्ति विवरण नबुझाएको निजामती किताबखानाका सूचना अधिकारी राजेन्द्र पराजुलीले जानकारी दिए । उनका अनुसार, ८२ हजार ८३ कर्मचारीले मात्र सम्पत्ति विवरण बुझाएका छन् । सो संख्या निजामती, स्वास्थ्य र संसद् सेवाका कर्मचारीको हो।

निजामती किताबखानाले कर्मचारीको सम्पत्ति विवरण बुझाउन गत भदौ २८ गतेसम्म समय तोकेको थियो । अघिल्लो आर्थिक वर्षमा भने ७८ हजार ५८ कर्मचारीले विवरण बुझाएका थिए।

किताबखानामा आर्थिक वर्ष सुरु भएको ६० दिनभित्र कर्मचारीले अनिवार्य रुपमा निजामती सेवा ऐनअनुसार सम्पत्ति विवरण बुझाउनुपर्ने हुन्छ ।

किताबखानाले विशेष र काबु बाहिरको स्थितिका लागि भने अझै ३० दिन समय दिएको सूचना अधिकारी पराजुलीले बताए । सम्पत्ति विवरण नबुझाउने कर्मचारीलाई भ्रष्टाचार निवारण ऐन, २०५९ को दफा ५० अनुसार पाँच हजार रुपैयाँ जरिवाना गरिन्छ । रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुनाफा आर्जनलाई निरन्तरता दिँदै राष्ट्रिय वाणिज्य बैंक

यी हुन् मन्त्रिपरिषदका १५ निर्णय

५२ अंकले बढ्यो नेप्से , ९ अर्ब माथिको कारोबार