केप टाउन– भारतीय क्रिकेट टिमका कप्तान विराट कोहलीले ५५औं अन्तर्राष्ट्रिय शतक प्रहार गरेका छन्। कोहलीले बुधबार दक्षिण अफ्रिका विरुद्धको तेस्रो एकदिवसीय खेलमा शतक प्रहार गर्दै करिअरको ५५औं शतक प्रहार गरेका हुन्।
खेलमा कोहलीले नटआउट १ सय ६० रन जोडे। उनले १ सय ५९ बल खेल्दा १२ चौका र २ छक्का प्रहार गरे। १ सय ५० रन पूरा गर्दा उनले ५० रन बाउन्ड्रीबाट प्राप्त गर्दा सय रन कुदेर ल्याएका थिए।
कोहलीको यो एकदिवसीय खेलमा ३४ औं शतक हो। यसअघि कोहलीले दोस्रो एकदिवसीय खेलमा पनि शतक प्रहार गरेका थिए। कोहलीले टेस्ट क्रिकेटमा भने २१ शतक प्रहार गरिसकेका छन्।
उनको यो कप्तानको रुपमा १२औं शतक हो। कप्तानको रुपमा बढी शतक प्रहार गर्ने खेलाडी रिकी पोन्टिङ (२२ शतक) हुन् भने एबी डिभिलियर्सले पनि कप्तानको रुपमा १३ शतक बनाएका थिए।
कोहलीको शतकसँगै तेस्रो एकदिवसीय खेलमा भारतले ६ विकेटको क्षतिमा ३ सय ३ रन जोडेको छ। भारतका लागि शिखर धवनले ७६ रन जोड्दा भुवनेश्वर कुमारले नटआउट १६ रनको योगदान दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
