भक्तपुरबाट पेस्तोलसहित १ युवक पक्राउ

नेपाल लाइभ | २०७६ भदौ २४ मंगलबार | Tuesday, September 10, 2019 १६:०१:०० मा प्रकाशित

काठमाडौं– भक्तपुरको सूर्यविनायक नगरपालिका–९ भाते ढिकुरबाट १ जना पेस्तोल र गोलीसहित पक्राउ परेका छन्। 

बाराको फेटा गाउँपालिका–३ का ३८ वर्षीय शम्भुप्रसाद साह कटुवा पेस्तोल १ थान र ६ राउण्डसहित सोमबार बेलुका पक्राउ परेका हुन्। 

महानगरीय प्रहरी वृत्त जगातीबाट खटिएको प्रहरीले शंकास्पद रुपमा हिँडिरहेका साहलाई जाँच गर्ने क्रममा साथमा राखेको उक्त पेस्तोल र गाेली फेला पारी पक्राउ गरेको हो। 

त्यस्तै बाराको जितपुर सिमरा उपमहानगरपालिका–२२ नयाँबस्तीस्थित जंगलबाट सोमबार साँझ बेवारिशे अवस्थामा रहेको भरुवा बन्दुक १ थान प्रहरीले बरामद गरेको छ। 

इलाका प्रहरी कार्यालय अमलेखगंज खटिएको प्रहीले उक्त बन्दुक फेला पारी बरामद गरेको हो।