भारतको महत्वाकांक्षी अन्तरिक्ष अभियान चन्द्रयान–२ को यानसँग अन्तिम चरणमा आएर सम्पर्क विच्छेद भएको छ। चन्द्रमाको सतहमा अवतरण हुनु केही समयअघि विक्रम ल्यान्डरसँग सम्पर्क टुटेको हो।
भारतीय अन्तरिक्ष अनुसन्धान संगठनका अध्यक्ष के सिवनले चन्द्रमाको २.१ किलोमिटर दुरीसम्म सबै सामान्य भइरहे पनि त्यसपछि सम्पर्क टुटेको बताए। अब आफूहरु डाटाको समीक्षाका लागि काम गरिरहेको पनि उनले बताएका छन्। राति साढे १ देखि साढे २ बजेको समयभित्र विक्रम ल्यान्डरलाई चन्द्रमाको सतहमा उतार्ने योजना बनाइएको थियो।
भारतीय प्रधानमन्त्री नरेन्द्र मोदीसमेत बैंगलौरमा रहेको संगठनको मुख्यालय गएर वैज्ञानिकहरुलाई हौसला दिइरहेका थिए। सबै मिसन सामान्य तरिकाले चलिरहेको थियो। मोदी पनि अरु वैज्ञानिकसँगै खुसी व्यक्त गरिरहेका थिए। जब अन्तिम समयमा भारतीय अन्तरिक्ष अनुसन्धान संगठनको मुख्यलयमा तनावको अवस्था आइलाग्यो। वैज्ञानिकको अनुहारको रङ बदलिन थाल्यो। मोदीले यसबारे जानकारी लिन चाहे। उनले बुझे यान अवतरण सफल हुनेवाला छैन। त्यसपछि मोदीले संगठनका पूर्वअध्यक्ष के कस्तुरीरंगन र के राधाकृष्णनको काँधमा हात राखे र सान्त्वना दिए।
केहीबेरमै संगठनका अध्यक्षले भने, 'संगठनको केन्द्रसँग विक्रमको सम्पर्क टुट्यो।'
मिसन तोकिएको समयमा असफल भएपछि प्रधानमन्त्री मोदी वैज्ञानिकहरुको बीचमा गएर निराश नहुन भन्दै हौसला बढाए।
'जीवनमा उतारचढाव आइरहन्छ। मैले देखिरहेको थिएँ- सम्पर्क टुट्दै थियो,' मोदीले भने, 'तर यो सानो उपलब्धि होइन। देशले तपाईंहरुप्रति गर्व गर्छ। मेरो तर्फबाट सबैलाई बधाई।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
