नयाँ दिल्ली (एजेन्सी)– विश्व क्रिकेटको सबैभन्दा धनी बोर्ड भारतीय क्रिकेट कन्ट्रोल बोर्ड (बिसिसिआई) को आधिकारीक वेभसाइट लिलामीमा परेको छ।
उसको आधिकारीक साइट डब्लुडब्लुडब्लु डट बिसिसिआई डट टिभीको डोमिन नवीकरण नभएका कारण सार्वजनिक बोलीका लागि राखिएको छ। वेभसाइट दर्ता गराउने रजिस्टर डट कम र नेमजेट डट कमले डोमिनको नाम सार्वजनिक बोलीका लागि राखेको छ।
बिसिसीआईको वेभसाइटका लागि अहिलेसम्म सात जनाले बोली लगाइसकेका छन्। जसमा सबैभन्दा ठूलो बोली २ सय ७० डलर छ। यो डोमिन २००६ को फेब्रुअरी २ देखि २०१९ को फेब्रुअरी २ सम्म वैध थियो। यसलाई अपडेट गर्ने मिति २०१८ को फेब्रअरी ३ सम्म थियो।
बोर्डको वेभसाइटले आइतबार साँझदेखि काम गर्न छोडेको थियो। भारतीय टोली हाल दक्षिण अफ्रिकाको भ्रमणमा छ। भारतीय क्रिकेट प्रसंसकले यही वेभसाइटबाट विभिन्न उमेरसमूहको खेलहरूको आधिकारीक जानकारी पाउँथे। २ दशमलव ५५ विलियन डलरमा स्टार स्पोर्ट्सलाई आइपिएलको मिडिया अधिकार बेच्न सक्ने बिसिसिआईले आफ्नो वेभसाइट राम्रोसँग चलाउन नसकेपछि अहिले यसको सर्वत्र आलोचना भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749200817.png)
